ވެލާނާ އިންޓަނޭޝަނަލް އެއާޕޯޓުގައި ހުންނަ ޑިޓެންޝަން ސެންޓަރު ފަޅާލައި، އެތަނުން ފިލި ބިދޭސީ މީހާ ހޯދަން އިމިގްރޭޝަނުން އިއުލާނުކޮށްފި އެވެ.
ޑިޓެންޝަން ސެންޓަރުން ފިލި މައްސަލަ ފުލުހުންނަށް ރިޕޯޓްކޮށްފައި ވަނީ ރޭ ފަތިހު އެވެ.
އެ މައްސަލައިގައި ހޯދަން އިއުލާނުކޮށްފައި ވަނީ ބަންގްލަދޭޝްގެ އުމުރުން 26 އަހަރުގެ މުހައްމަދު މިތުން ނަމަކަށް ކިޔާ މީހެކެވެ.
އެނގިފައިވާ ގޮތުގައި، އޭނާއަކީ 2019 ވަނަ އަހަރު ވޯކް ވިސާގެ މައްސަލައެއްގައި 10 އަހަރަށް ރާއްޖެއިން ޑީޕޯޓްކޮށްލާފައި ހުރި މީހެކެވެ. އޭނާ ރާއްޖެ އައިސްފައި ވަނީ ހުސްވި އޮގަސްޓު މަހުގެ 31 ވަނަ ދުވަހު އެވެ.
