މަންތާ އެއަރއިން ހއ. ހޯރަފުއްޓަށް ޗާޓަރޑް ޝެޑިއުލް ދަތުރުތަކެއް ފަށައިފިއެވެ.
އެ ދަތުރުތައް ފަށާފައިވަނީ މިއަދުއެވެ. މަންތާ އެއަރއިން ހޯރަފުއްޓަށް ދަތުރުތައް ފަށާފައިވަނީ ޖޭއޭ މަނަފަރާއި، ރީޖަނަލް އެއަރޕޯޓްސް ކޮމްޕެނީ ލިމިޓެޑް (އާރްއޭސީއެލް) އަދި މަންތާ އެއާއިން ވެފައިވާ އެއްބަސްވުމެއްގެ ދަށުންނެވެ. މަންތާ އެއަރއިން ހޯރަފުއްޓަށް ދުވާލަކު ދެ ފްލައިޓް ދަތުރުކުރުމަށް ވަނީ ހަމަޖެހިފައެވެ.
މަންތާ އެއަރއިން ވަނީ ހޯރަފުށީގައި އެ އެއާލައިންގެ ޚިދުމަތްތައް ވީ އެންމެ ފުރިހަމައަަށް ދިނުމަށް މަސައްކަތްކުރައްވާނެކަން ފާހަގަކޮށްފައިވެއެވެ. އަދި މިއީ ރާއްޖެއަށް އެ އެއަރލައިންގެ ޚިދުމަތް ފުޅާކުރުމަށް ކުރާ މަސައްކަތަށް ލިބުނު ރަނގަޅު ކުރިއެރުމެއް ކަމަށްވެސް އެ އެއަރލައިނުން ވަނީ ފާހަގަކޮށްފައެވެ.
