ބޮޑުފޮޅަދޫ ކައުންސިލުގެ ރައީސް ޝުޖާއު އާދަމް އަވަށުވެރިންނާއެކު ރައްޔިތުންގެ ގޭގެއަށް ޒިޔާރަތްކޮަށްފިއެވެ.
5 ވަނަ ދައުރުގެ ކައުންސިލު އުފަންވުމާއެކު ރައްޔިތުންނާ ގާތުން ހިދުމަތްތައް ފޯރުކޮށްދިނުމަށް ބޮޑުފޮޅަދޫ ކައުންސިލުންވަނީ އެރަށް ހަތަރު އަވަށައް ބަހައިލުމަށްފަހު ވެރިން ލައްވާފައެވެ. އެއީ ހުޅަނގު ދެކުނުވިލި، އިރު ދެކުނުވިލި، އިރު އުތުރުވިލި އަދި ހުޅަނގު އުތުރުވިލި އެވެ.
އަވަށްތަކުގެ ވެރިންނަކީ ކައުންސިލްގެ މެންބަރުންނެވެ. އެފަދައިން ހެދީ ރަށުގެ ރައްޔިތުންގެ އަޑު ގާތުން އަހައި، ކައުންސިލް މެމްބަރުންނަކީ ރައްޔިތުންނާއި ގާތުން ހިދުމަތްދޭ ބަޔަކަށް ހެދުމަށް ކަމަށް އެކައުންސިލުން ބުނެއެވެ.
އެއާއެކު ކޮންމެ ތިން މަހަކުން އެއްފަހަރު އަވަށުވެރިންނާއެކު ބޮޑުފުޅަދޫ ކައުންސިލްގެ ރައީސް އަވަށްތަކުގެ ގޭގެޔަށް ޒިޔާރަތް ކުރެއެވެ.
އެގޮތުން ކުރެވޭ ޒިޔާރަތްތަކުގައި އަވަށުވެރިން (ކައުންސިލަރުން) މަހަކު އެއްފަހަރު ގޭގެއަށް ޒިޔާރަތް ކުރަމުންދާކަން ކަށަވަރުކުރުމާއި ރައްޔިތުމީހާ އަވަށުވެެރިޔާއަށް ހުށަހަޅާފައިވާ ޝަކުވާތަކާއި ކަންބޮޑުވުންތަކަށް ހައްލު ހޯދައި ދެވިފައިވާ މިންވަރެއް ދެނެގަނެވެއެވެ. މީގެ އިތުރުން ކައުންސިލްގެ މަސައްކަތްތަކާމެދު ރައްޔިތުން ދެކިލައްވާގޮތް ހިއްސާކުރުމުގެ ފުރުސަތު ގޭ ދޮރޯށި ކައިރިން ހޯދައިދިނުން މީ އެންމެ މުހިއްމު ކަމެއްދޭ ކަމެކެވެ.
މި ޒިޔާރަތުން ކައުންސިލަރުން ރަނގަޅު ކުރަންޖެހޭ ކަމެއްވާނަމަ އެކަމެއް ރަނގަޅުކުރުމަށް ކައުންސިލްގެ ރައީސް ކައުންސިލަރުންނާ މަޝްވަރާކުރައްވާ އެކަމަކަށް ހައްލު ހޯދާ އެކަންތައް ދަނީ ރަނގަޅު ކުރަމުންނެވެ. އަވަށު ވެރިން މަހަކު އެއްފަހަރު ރައްޔިތު މީހާގެ ގާތަށް ޒިޔާރަތް ކުރެއެވެ.
ބޮޑުފޮޅުދޫ އަކީ ވެރިންނަން ކިޔަމަންތެރި ރައްޔިތެއް ދިރިއުޅޭ ހިތްފަސޭހަ ރަށެކެވެ.
