ހއ.ހޯރަފުށި މަގުތަކުގައި ތާރު އަޅަން ތައްޔާރުވެއްޖެ އެވެ.
ހޯރަފުށި ކައުންސިލުން ބުނީ ހޯރަފުށީގެ މަގުތަކުގައި ތާރު އެޅުމުގެ އެންމެ ފަހުގެ ތައްޔާރީތައް މިހާރު ވަމުންދާ ކަމަށެވެ. އެގޮތުން މަގުތަކުގައި އަޅާ ތާރު މިހާރު ހޯރަފުއްޓަށް ގެންގޮސްފައިވާ ކަމަށް ކައުންސިލުން ބުނެ އެވެ.
ހޯރަފުށި މަގު ހެދުމުގެ މަޝްރޫއު ސަރުކާރުން ހަވާލުކޮށްފައިވަނީ އެމްޓީސީސީއާ އެވެ.
މި މަޝްރޫޢުގެ ދަށުން، 5.3 ކިލޯމީޓަރު ދިގު މިނުގެ 11 މަގެއް ހެދުމާއި، 25،909 އަކަ މީޓަރުގެ ދުއްވާ ސަރަޙައްދެއް ޤާއިމު ކުރުމާއި، 11،114 އަކަ މީޓަރުގެ ޕޭވްމަންޓް ހެދުމާއި، ފެންހިންދާ ނިޒާމެއް ޤާއިމުކުރުމާއި، މަގުބައްތި ހަރުކުރުމާއި މަގުމަތީ ނިޝާން ހަރުކުރުމުގެ މަސައްކަތް ހިމެނެ އެވެ.
ހއ. ހޯރަފުށި މަގުހެދުމުގެ މަޝްރޫއަކީ 71.9 މިލިއަން ރުފިޔާގެ މަޝްރޫއެކެވެ.
