މިނިސްޓްރީ އޮފް އިސްލާމިކް އެފެޔާޒުން ހަނިމާދޫގައި ދަރުސް ޕްރޮގުރާމެއް ކުރިޔަށް ގެންގޮސްފިއެވެ.
މި ޕްރޮގުރާމް ކުރިޔަށް ގެންގޮސްފައިވަނީ ހަނިމާދޫ ކައުންސިލް އަދި ހަނިމާދޫ ސްކޫލާ ގުޅިގެން މި މަހުގެ 16 އަދި 17 ވަނަ ދުވަހުއެވެ.
މި ޕްރޮގުރާމުގައި ވަނީ ހަނިމާދޫ ސްކޫލް ބެލެނިވެރިނާއި ދަރިވަރުންނަށް ދަރުސް ސެޝަންތަކެއް ކުރިޔަށް ގެންގޮސްފައެވެ. މީގެ އިތުރުން ހަނިމާދޫ މަސްޖިދުލް ތަޢުބާގައި ވަނީ 17 ވަނަ ދުވަހު ހަވީރު ދަރުހެއް ކުރިޔަށް ގެންގޮސްފައެވެ.
ހުރިހާ ދަރުސެއްވެސް ދެއްވީ ޝެއިހް މުހައްމަދު އަފްޒަލް ލއެވެ. އެގޮތުން ބެލެނިވެރިންނަށް ކުރިޔަށް ގެންދިޔަ ސެޝަންގެ މައުލޫއަކީ ‘މައިންބަފައިންގެ މައްޗަށްވާ ދަރިންގެ ޙައްޤުތައް އަދި ދަރީންގެ މައްޗަށްވާ މައިންބަފައިންގެ ޙައްޤުތައް’ އެވެ. މިދަރުސް ކުރިޔަށް ގެންދިޔައީ 16 ވަނަދުވަހުގެ ރޭ 20:45 ގައި ހަނިމާދޫދޫ އިޖްތިމާއީ މަރުކަޒު ހޯލުގައެވެ.
17 ވަނަ ދުވަހު ހެނދުނު 8:45 ގައި ހަނިމާދޫ ސްކޫލް ދަރިވަރުންގެތެރެއިން 7 ން މަތީގެ ދަރިވަރުންނަށް ” ނަމޫމާ ދަރިވަރަކަށް ވަނީ ކިހިނެއް؟” މި މައުލޫއަށް ދަރުސް ބޭއްވިއިރު 10:30 ގައި އެ ސްކޫލް މުދައްރިސުން އަދި މުވައްޒަފުންނަށްވެސް ވަނީ ދަރުހެއް ކުރިޔަށް ގެންގޮސްފައެވެ. އެ ދަރުހުގެ މައުލޫއަކީ “ފަނާކުރަނިވި ބޮޑު 7 ފާފާ” އެވެ. މި ދެ ދަރުސްވެސް ކުރިޔަށް ގެންދިޔައީ އިޖްތިމާއީ މަރުކަޒު ހޯލުގައެވެ.
ހަމަ އެދުވަހު އަސުރު ނަމާދަށްފަހު މަސްޖިދުލް ތަޢުބާ ގައި “ދީނުގައި ޘާބިތުވުން” މި މައުލޫއަށް ވަނީ ދަރުހެއް ދެއްވާފައެވެ.
