މީޑިއާ ކައުންސިލްގެ މެންބަރުކަމަށް ކުރިމަތިލާން ހުޅުވާލައިފިއެވެ. އެ ފުރުސަތު ހުޅުވާލާފައިވަނީ މި މަހުގެ 23 ވަނަ ދުވަހުގެ މެންދުރުފަހު 2:00ގެ ނިޔަލަށެވެ.
މީޑިއާ ކައުންސިލްގެ މެންބަރުކަމަށް ކުރިމަތިލާން މި ހުޅުވާލީ މީޑިއާ ކައުންސިލްގެ މި ދައުރުގެ 15 މެންބަރުންގެ ތެރެއިން 13 މެންބަރުންގެ ދައުރު އަންނަ ޑިސެމްބަރު 14 ވަނަ ދުވަހުގެ ނިޔަލަށް ހަމަވާތީ އެވެ.
ޑިސެމްބަރު މަހު ދައުރު ހަމަވާ މީޑިއާ ކައުންސިލްގެ 13 މެމްބަރުންގެ ތެރެއިން 7 މެމްބަރުންނަކީ މީޑިއާ ކައުންސިލްގައި މީޑިއާ ތަމްސީލް ކުރާ މެމްބަރުންނެވެ. އަނެއް 6 މެންބަރުންނަކީ އާންމުން ތަމްސީލް ކުރާ މެންބަރުންނެވެ.
މީޑިއާ ކައުންސިލްގައި މީޑިއާ ތަމްސިލް ކުރާ ގޮނޑިތަކަށް ކެންޑިޑޭޓުން ނޮމިނޭޓް ކުރާނީ މީޑިއާތަކުންނެވެ. އާންމު މެމްބަރުންގެ ގޮތުގައި ބަލަނީ މީޑިއާ އާއި ގުޅުންހުރި އެއްވެސް ދާއިރާއެއްގައި މަސައްކަތް ނުކުރާ މީހުންނެވެ.
