މާލޭ ސިޓީ ކައުންސިލުން މާލޭގައި ގަސް ވިއްކާ ފިހާރައެއް ހުޅުވައިފައިވާ މައްސަލަ ބެލުމަށްފަހު، ހުއްދަނުނަގާ ވިޔަފާރިކުރާތީ ޖޫރިމަނާ ކޮށްފިއެވެ.
އިކޮނޮމިކް މިނިސްޓްރީން މާލެ ސިޓީ ކައުންސިލް މިއަދު ޖޫރިމަނާކޮށްފައިވަނީ 10،000ރ. އިނެވެ. މިނިސްޓްރީން ވަނީ ސިޓީ ކައުންސިލް ޖޫރިމަނާކޮށް އެކައުންސިލާ މިހާރު ޗިޓް ހަވާލުކޮށްފައެވެ.
އިކޮނޮމިކް މނިސްޓްރީން ބުނީ ސިޓީ ކައުންސިލަށް ވިޔަފާރިކުރެވޭނީ ލޯކަލް އޮތޯރިޓީ ކުންފުނި އުފައްދައިގެން ކަމަށާ ނަމަވެސް “މާލެ ފެހި” ގެ ނަމުގައި ގަހާއި ގަސްކާނާ ވިއްކާ ފިހާރަ އެއް މިމަހުގެ 8 ވަނަ ދުވަހުގެ ރޭ ހުޅުވީ ކުންފުނި ނުއުފައްދާ ކަމަށެވެ.
އިކޮނޮމިކް މިނިސްޓްރީން ބުނީ ގާނޫނާ ގަވައިދުގެ ތެރެއިން ރެޖިސްޓްރީ ނުކޮށް ކައުންސިލުތަކަށް ވިޔަފާރިއެއް ނުކުރެވޭނެ ކަމަށެވެ.
