ހަނިމާދޫ ކައުންސިލުން ދަނޑުވެރިކަމަށް 215،000 އަކަފޫޓުގެ ބިން ދޫކުރަން އިއުލާންކޮށްފިއެވެ.
އެކައުންސިލުން ބުނީ ލޭންޑްޔޫސް ޕްލޭންގައި ދަނޑުވެރިކަން ކުރުމަށް ފާހަގަކޮށްފައިވާ ސަރަހައްދުތަކުން ދަނޑުވެރިކަން ކުރުމަށް 5000 (ފަސްހާސް) އަކަފޫޓުގެ 50 (ފަންސާސް) ބިން 5 (ފަސް) އަހަރަށް ކުއްޔަށް ދޫކުރުމަށް ނިންމާފައިވާ ކަމަށެވެ.
އެހެންކަމުން ދަަނދުވެރިކަމަށް ބިން ބޭނުންވާ ފަރާތްތަކުން 8 ނޮވެންބަރ 2022 ވާ ހޯމަ ދުވަހުގެ 13:00 ކުރިން ފޯމު ހުށަހެޅުމަށް ހަނިމާދު ކައުންސިލުން އެދެއެވެ. އަދި ފޯމު ބަލައިގަތުމާއި ދޫކުރުން ކުރިޔަށް ދާނީ ހެނދުނު 9:00 އިން 13:00 އަށް ކަމަށްވެސް އެ ކައުންސިލުން ބުނެފައިވެއެވެ.
އިއުލާނާއެކު ވަނީ ދަނޑުބިން ދޫކުރުމުގެ އުޞޫލު ވެސް މިއަދު އިއުލާން ކޮށްފައެވެ. އެގޮތުން ދަނޑުބިމަށް ކުރިމަތިލެވޭނީ 18 އަހަރުން މަތީގެ ހަނިމާދޫ ރަށްވެހިން އަދި ހަނިމާދޫގައި ދިރިއުޅޭ ފަރާތްތަކަށެވެ. އަދި ފުރަތަމަ އަހަރު ހިލޭ ބިންދޭއިރު ދެން ކޮންމެ އަހަރަކުވެސް ބިމަށް ކުލިދަށްކަން ޖެހެއެވެ. އެގޮތުން މަހަކު 200 (ދުއިއްސައްތަ) ރުފިޔާ ހަނިމާދޫ ކައުންސިލަށް ދައްކަން ޖެހެެވެ.
ހަނިމާދޫއިން ދަނޑުވެރިކަން ކުރުމަށް ދަނޑުބިން ދޫކުރުމުގެ އުސޫލު 2022
