ހަނިމާދޫގެ މިސްކިތްތަކަށް ސައުންޑް ސިސްޓަމް ސަޕްލައި ކޮށްދޭނެ ފަރާތެއް ހޯދުމަށް އެރަށު ކައުންސިލުން އިއުލާންކޮށްފިއެވެ.
އެކައުންސިލުން ބުނީ ހަނިމާދޫގެ މިސްކިތްތަކަށް ސައުންޑް ސިސްޓަމް ސަޕްލައި ކޮށްދޭން ބޭނުންވާ ފަރާތްތަކުން 06 ނޮވެމްބަރ 2022 ވާ އާދިއްތަ ދުވަހުގެ ހެނދުނު 11:00 އަށް އެ އިދާރާއަށް ވަޑައިގެން މައުލޫމާތު ސާފުކުރެއްވުން އެދޭކަމަށެވެ.
އަދި އަންދާސީ ހިސާބު ހުށަހެޅުމާއި އަންދާސީ ހިސާބު ހުޅުވުން އޮންނާނީ 15 ނޮވެމްބަރ 2022 ވާ އަންގާރަ ދުވަހުގެ ހެނދުނު 10:30 ގައި އެއިދާރާގެ ކޮންފަރެންސް ރޫމްގައި ކަމަށްވެސް އެކައުންސިލުން މައުލޫމާތުދެއެވެ.
މަޢުލޫމާތު ސާފުކުރެއްވުމަށް ވަޑައިނުގަންނަވާ ފަރާތްތަކަށް އަންދާސީ ހިސާބުތަކާއި، ކަނޑައެޅިފައިވާ ގަޑީގެ ފަހުން ގެންނަ އަންދާސީ ހިސާބުތައް ހުށަހެޅުމުގެ ފުރުޞަތެއް ނުދޭނެކަމަށްވެސް ހަނިމާދޫ ކައުންސިލުން ބުންޏެވެ.
ހަނިމާދޫ ތިން މިސްކިތުގެ ސައުންޑުގައިވެސް މިހާރު ގިނަ މައްސަލަތަކެއް ޖެހިފައި ހުންނަތާ ދުވަސްތަކެއް ވެއްޖެއެވެ.
