ސްކޮޑްގައިވެސް ހާލާމްޑް ނުހިމަނާ ކުޅުނު މެޗުގައި ކެވިން ޑި ބުރޭނާ، ލެސްޓަރ ސިޓީ އަތުން ޗެމްޕިއަން މެންޗެސްޓަރ ސިޓީ މޮޅުކޮށްދީފިއެވެ.
ލެސްޓަރ ސިޓީގެ ދަނޑުގައި ކުޅުނު މެޗުމެންޗެސްޓަރ ސިޓީން ކާމިޔާބުކުރީ 1-0 ނެވެ. މެޗުގެ ހަމައެކަނި ލަނޑު ޑި ބުރޭ ކާމިޔާބުކުރީ ދެވަނަ ހާފް ފަށައިގެން ހަތަރު ވަނަ މިނިޓްގައި ހިލޭޖެހުމަކުންނެވެ. ހާލާންޑް އެންމެ ފަހުން މެޗުގައި ބަދަލުކުރީވެސް މުޅިން ފިޓްނުވުމުންނެވެ. މިމެޗުގައި ހާލާންޑްގެ ބަދަލުގައި ފުރަތަމަ އެގާރައިން ފުރުޞަތު ދިނީ އާޖެންޓީނާގެ ޒުވާން ފޯވާޑް އަލްވާރޭޒްއަށެވެ.
މެޗުން މޮޅުވުމުން ސިޓީ ވަނީ ވަގުތީގޮތުން ތާވަލްގެ އެއްވަނައަށް ޖެހިލާފައެވެ. އެއީ 12 މެޗުން 29 ޕޮއިންޓް ހޯދއިގެންނެވެ. 11 މެޗުން 28 ޕޮއިންޓްގައި އޮތް އާސެނަލް ނޮޓިންގހަމް ފޮރެސްޓް ބަލިކޮށްގެން އަލުން އެއްވަނައަށް ޖެހިލެވޭނެއެވެ.
