އައްޑޫ ހިތަދޫގެ އެކި ތަންތަނުގައި “އިންޑިއާ އައުޓް” ޖަހައިފިއެވެ
ކަޅުކުލައިގެ ސްޕްރޭ ބޭނުންކޮށްގެން އެ ތަންތަނުގެ ފާރުގައި ވަނީ “އިންޑިއާ އައުޓް” ޖަހައިފައެވެ.
ނަޝީދުގެ އޮފީހުގެ އިތުރުން އައްޑޫ މޭޔަރު އަލީ ނިޒާރުގެ ގެއާއި ސިޓީ ކައުންސިލް އިދާރާގެ ބޭރު ފާރުގައި ވެސް އިންޑިއާ އައުޓް ވަނީ ޖަހާފައެވެ.
ރައީސް ޔާމީން ވަނީ މިފަހުން އައްޑުއަށް ދަތުރުފުޅެއް ކުރައްވާފައެވެ. މިދަތުރުގައި ހިތަދޫގައި ބޭއްވި ޖަލްސާއެއްގައި ރައީސް ޔާމީންވަނީ އައްޑޫގެ ހުރިހާ ގައެއްގައި އިންޑިއާ އައުޓް ޖަހައިފިނަމަ ފުލުހުން އުޅެން ޖެހޭނީ ވަރަށް ހާލުގައި ކަަމަށް ވިދާޅުވެފައެވެ.
“އިންޑިއާ އައުޓް” ހަރަކާތަކީ ރާއްޖޭގައި ތިބި އިންޑިއާ ސިފައިން އަނބުރާ ގައުމަށް ފޮނުވާލަން ގޮވާލައި، އިދިކޮޅު ލީޑަރު އަދި ކުރީގެ ރައީސް އަބްދުﷲ ޔާމީން އިސްވެ ހުންނަވައި ފެއްޓެވި ހަރަކާތެކެވެ.
މީގެ ކުރިން ވެސް ބައެއް ރަށްރަށުގެ އެކި ތަންތަނުގައި އިންޑިއާ އައުޓް ޖަހައިގެން ފުލުހުން މައްސަލަތައް ބަލައި، ބައެއް މީހުން ހައްޔަރުކޮށްފައިވެއެވެ.
