މިނިސްޓްރީ އޮފް އެޑިޔުކޭޝަނާއި އެމްއެންޑީއެފުން ގުޅިގެން މާލެއާއި ހުޅުމާލޭ ސްކޫލުތަކުގައި ޤާއިމްކޮށްފައިވާ އަލިފާންނިވާ ނިޒާމްތައް ޗެކުކުރުމުގެ ޕްރޮގްރާމެއް ފަށައިފިއެވެ.
ނޮވެންބަރު 17 ވަނަ ދުވަހު ފެށި މި ޕްރޮގްރާމުގައި ރޭ ޗެކްކޮށްފައިވަނީ އިސްކަންދަރު ސްކޫލުގައި ޤާއިމްކޮށްފައިވާ އަލިފާންނިވާ ނިޒާމްތަކެވެ. ދެ ހަފުތާގެ މުއްދަތަށް ކުރިއަށް ގެންދިއުމަށް ހަމަޖެހިފައިވާ މި ޕްރޮގްރާމުގައި މާލެއާއި ހުޅުމާލޭގެ 22 ސްކޫލެއްގެ އަލިފާންނިވާ ނިޒާމުގެ ހާލަތު ޗެކުކުރުމަށް ވަނީ ހަމަޖެހިފައެވެ.
މި ޕްރޮގްރާމުގައި، ސްކޫލުތަކުގައި ޤާއިމްކޮށްފައި ހުރި އަލިފާންނިވާ ނިޒާމްތައް ހުރީ ރަނގަޅު ހާލަތެއްގައިތޯ ބަލައި ޗެކްކުރެވޭނެއެވެ.
މި ޕްރޮގްރާމުގައި ހަރަކާތްތެރިވަނީ އެމްއެންޑީއެފް ފަޔަރ އެންޑް ރެސްކިޔު ސަރވިސްގެ ފަޔަރމަނުންނެވެ.
