ހަނިމާދޫ ޕޮލިސް ސްޓޭޝަނުގެ ބެލުމުގެ ދަށަށް ގެނެސްފައި ހުރި ބަނގުރާ މިއަދު ނައްތާލައިފިއެވެ.
މިއަދު ނައްތާލާފައިވަނީ 255 ފުޅި ބަނގުރަލާއި 03 ދަޅު ބިޔަރެވެ. ހަނިމާދޫ ޕޮލިސް ސްޓޭޝަނުގައި ނައްތާލައިފައިވާ ބަނގުރަލަކީ 2022 ވަނަ އަހަރު އެކި ދުވަސް މަތިން ހަނިމާދޫ އިންޓަނޭޝްނަލް އެއާޕޯޓުން ފުރަން ގޮސްފައިވަަ ފަތުވެރިންގެ އަތުން ނަގައި އެއާޕޯޓްގެ އޭވިއޭޝަން ކޮމާންޑްގެ ބެލުމުގެ ދަށަށް ގެނެވި ހަނިމާދޫ ފުލުހުންނާ ހަވާލުކޮށްފައިވާ ބަނގުރަލެވެ.
ބަނގުރާ ނައްތާލުން ކުރިއަށް ގެންގޮސްފައިވަނީ ފުލުހުންގެ ބެލުމުގެ ދަށަށް ގެނެވޭ ބަނގުރަލާއި ބަނގުރާގެ މައްސަލަތަކާ ގުޅިގެން ހިފެހެއްޓޭ ތަކެތި ނައްތާލުމުގައި އަމަލުކުރާ ގޮތުގެ ގަވާއިދުގެ ދަށުން އެކަމަށްޓަކައި އެކުލަވައިލި ކޮމިޓީގެ ބެލުމުގެ ދަށުންނެވެ.
ބަނގުރާ ނައްތާލުމުގެ މިހަރަކާތުގައި ހދ އަތޮޅު ޕޮލިސް ކޮމާންޑަރު އިންސްޕެކްޓަރ އޮފް ޕޮލިސް އަހުމަދު ފަޔާޒް އާއި ހަނިމާދޫ ޕޮލިސް ސްޓޭޝަނުގެ އިންޗާޖު ސަބް އިންސްޕެކްޓަރ އޮފް ޕޮލިސް އަބޫބަކުރު މުހައްމަދު ބައިވެރިވެވަޑައިގެންނެވިއެވެ.
