މުވައްސަސާތަކަށް ފުޓުސަލް މުބާރާތެއް ކުރިއަށް ގެންގޮސްދޭނެ ފަރާތެއް ހަނިމާދޫ ކައުންސިލުން ހޯދަން އިއުލާން ކޮށްފިއެވެ.
ހަނިމާދޫ ކައުންސިލުން ކުރި އިއުލާނުގައި ބުނެފައިވަނީ ހަނިމާދޫގެ ހުރިހާ މުވައްސަސާތަކަށް، ދެޖިންސަށް އަމާޒުކޮއްގެން ފުޓްސަލް މުބާރާތެއް ކުރިއަށް ގެންގޮސްދޭނެ ފަރާތެއް ހޯދަން ބޭނުންވާކަމަށެވެ.
އަދި ޝަޢުޤުވެރިވެ ލައްވާ ފަރާތްތަކުން 2022 ނޮވެމްބަރ 30 ވާ ބުދަ ދުވަހުގެ 10:30 އަށް އެއިދާރާއަށް ވަޑައިގެން މައުލޫމާތު ސާފު ކުރެއްވުމަށްފަހު 2022 ޑިސެމްބަރ 12 ވާ ހޯމަ ދުވަހުގެ 10:30 އަށް އަންދާސީ ހިސާބު ހުށަހެޅުއްވުން އެކައުންސިލުން އެދެއެވެ.
މަޢުލޫމާތު ސާފުކުރެއްވުމަށް ވަޑައިނުގަންނަވާ ފަރާތްތަކުގެ އަންދާސީ ހިސާބުތަކާއި، ކަނޑައެޅިފައިވާ ގަޑީގެ ފަހުން ގެންނަ އަންދާސީ ހިސާބުތައް ހުށަހެޅުމުގެ ފުރުޞަތެއް ނުދެވޭނެ ކަމަށްވެސް ހަނިމާދޫ ކައުންސިލުން ބުނެފައިވެއެވެ.
