ހަނިމާދޫގެ މުވައްސަސާތަކުގެ ދެޖިންސަށް އަމާޒުކޮށްގެން ބާއްވާ ފުޓްސަލް މުބާރާތުގައި ބައިވެރިވުމުގެ ފުރުސަތު ހުޅުވާލައިފިއެވެ.
ހަނިމާދޫ ކައުންސިލުން މިއަދު ކުރި އިއުލާނުގައި ބުނެފައިވަނީ ހަނިމާދޫގެ ހުރިހާ މުވައްސަސާތަކުގެ، ދެޖިންސަށް އަމާޒުކޮށްގެން ބާއްވާ ފުޓްސަލް މުބާރާތުގައި ބައިވެރިވުމުގެ ފުރުސަތު 15 ޑިސެމްބަރ 2022 ވާ ބުރާސްފަތި ދުވަހުގެ 13:00 ހަމައަށް ހުޅުވާލާފައިވާކަމަށެވެ.
އަދި މުބާރާތުގައި ބައިވެރިވުމަށް ފޯމް ދޫކުރުމާއި ބަލައިގަތުން ކުރިޔަށްދަނީ ރަސްމީ ދުވަސްތަކުގެ ހެނދުނު 9:00 އިން މެންދުރު 13:00 ކަމަށްވެސް އެ ކައުންސިލުން ބުނެއެވެ.
މި މުބާރާތް ފެށުމަށް ހަމަޖެހިފައިވަނީ 23 ޑިސެމްބަރ 2022 ވާ ހުކުރު ދުވަހު ކަމަށްވެސް ހަނިމާދޫ ކައުންސިލުން މައުލޫމާތުދެއެވެ.
