ފީފާ ވޯލްޑް ކަޕްގައި ޓިއުނީޝިއާ ބަލިކޮށް މުބާރާތުގައި ކުރިއަށް ދިއުމުގެ އުންމީދު އޮސްޓްރޭލިއާއިން ހޯދައިފިއެވެ.
އަލް ޖުނޫބް ސްޓޭޑިއަމްގައި ކުޅުނު ގްރޫޕް ޑީގެ މި މެޗު އޮސްޓްރޭލިއާ ކާމިޔާބުކުރީ 1-0ގެ ނަތީޖާއިންނެވެ. މެޗުގެ ހަމައެކަނި ލަނޑު ފުރަތަމަ ހާފުގެ 23 ވަނަ މިނެޓުގައި އޮސްޓްރޭލިއާއަށް ކާމިޔާބުކޮށްދިނީ މިޓްޗެލް ޑޫކްއެވެ.
މި ނަތީޖާއާއެކު އޮސްޓްރޭލިއާއަށް ވަނީ ދެވަނަ ބުރުގެ އުންމީދު ލިބިފައެވެ. ދެމެޗު ކުޅެގެން ލިބުނު ތިން ޕޮއިންޓާއެކު އޮސްޓްރޭލިއާ އޮތީ ގްރޫޕްގެ ދެވަނަ މަގާމުގައެވެ. އެއްވަނާގައި އޮތީ ފުރަތަމަ މެޗުގައި އޮސްޓްރޭލިއާ ބަލިކުރި ފްރާންސްއެވެ. ޑެންމާކާއި ޓިއުނީޝިއާއަށްވެސް ލިބެނީ އެއް ޕޮއިންޓެވެ.
މި ގްރޫޕްގައި ފްރާންސްއާއި ޑެންމާކް ބައްދަލުކުރާ މެޗު އޮންނާނީ މިރޭ ރާއްޖެ ގަޑިން 9 ޖަހާއިރުއެވެ.
