މިއަހަރުގެ ބަޖެޓަށް 5.8 ބިލިއަން ރުފިޔާ އިތުރުކުރަން މަޖިލީހުގެ ބަޖެޓް ދިރާސާކުރާ ކޮމިޓީ އިން ނިންމި ގޮތަށް މަޖިލީހުން ފާސްކޮށްފިއެވެ.
މިއަދު ޖަލްސާގައި ސަޕްލިމެންޓްރީ ބަޖެޓް ފާސްކުރަން ނެގި ވޯޓުގައި ސަޕްލިމެންޓްރީ ބަޖެޓް ފާސްކުރަން 61 މެންބަރުން ވޯޓުދެއްވާފައި ވާއިރު ސަޕްލިމެންޓްރީ ބަޖެޓް ފާސްކުރަން ނުފެންނަ ކަމަށް 8 މެންބަރުން ވޯޓުދެއްވިއެވެ.
މިއަހަރުގެ ބަޖެޓަށް 5.8 ބިލިއަން ރުފިޔާ އިތުރު ކުރުމަށް ސަރުކާރުން ހުށަހެޅި ސަޕްލިމެންޓްރީ ބަޖެޓު، ރައްޔިތުންގެ މަޖިލީހުގެ ބަޖެޓް ދިރާސާ ކުރާ ކޮމިޓީ އިން ފާސްކޮށްފައި ވަނީ މީގެ ދެ ހަފްތާއެއްހާ ދުވަސް ކުރިންނެވެ.
މި ހިނގާ 2022 ވަނަ އަހަރަށް ފާސްކޮށްފައިވަނީ 36.99 ބިލިއަން ރުފިޔާގެ ބަޖެޓެކެވެ. ނަމަވެސް މި އަހަރު އިތުރު އިޤްތިސާދީ ގޮންޖެހުންތަކާ ކުރިމަތިވުމުގެ ސަބަބުން ސަރުކާރުން ވަނީ 2023 އަށް ލަފާ ކުރާ ބަޖެޓާއެކު ސަޕްލިމެންޓްރީ ބަޖެޓު ވެސް މަޖިލީހަށް ހުށަހަޅައިފައެވެ.
