ހަނިމާދޫ އިންޓަނޭޝަނަލް އެއަރޕޯޓާއި ފަޔަރާއި ކައުންސިލު އަދި ޑަބްލިޔު.ޑީ.ސީ ގުޅިގެން ގަސް އިންދުމުގެ ޕްރޮގުރާމެއް ކުރިޔަށް ގެންގޮސްފިއެވެ.
މި ހަރަކާތުގައި ވަނީ ޗާނދަނީމަގު، ރަންވޭ މަގު ގުޅުނު ހިސާބުން ފެށިގެން ރަންވޭ މަގު ދެކުނަށްވާހެން އޮތް ޑިވައިޓަރުގައި ގަސް އިންދާފައެވެ.
މި ހަރަކާތުގައި 100 އަށްވުރެ ގިނަ ގަސް އިންދާފައިވާއިރު މި ހުރިހާގަހެއް ރޯކޮށްފައިވަނީ ހަނިމާދޫ އިންޓަނޭޝަނަލް އެއަރޕޯޓްގެ ފަޔަރުގެ މުވައްޒަފުންނެވެ.
މީގެ ކުރިންވެސް ހަނިމާދޫ ކައުންސިލް އަދި ޑަބްލިޔު.ޑީ.ސީ ވަނީ މަގުތަކުގައި ގަސްއިންދުން ކުރިޔަށް ގެންގޮސްފައެވެ. އެފަހަރު ގަސް އިންދީ ހަނިމާދޫ ކައުންސިލްގެ 4 ވަނަ ދައުރުގެ ކާމިޔާބު 1 އަހަރު ފާހަގަ ކުރުމަށެވެ.
