ހދ. ނޮޅިވަރަމްގައި ޒުވާން އަންހެނަކު މަރުވެފައި އޮއްވާފެނިއްޖެއެވެ. މަރުވެފައި އޮއްވާ ފެނިފައިވަނީ އުމުރުން 28 އަހަރުގެ މީހެކެވެ. އޭނާގެ ތިން ދަރިން ތިބެއެވެ.
އެރަށުން މައުލޫމާތު ދިން ފަރާތަކުން ބުނީ މަރުވެފައި އޮއްވާ ފެނުނު އަންހެން ކުއްޖާގެ މަރާއިގުޅިގެން ޝައްކު އުފެދޭ ކަންތައްތަކެއް ފެނިފައިވާ ކަމަށެވެ. އަދި މިކަމުގައި އޭނާގެ ފިރިމީހާގެ މައްޗަށް ޝައްކު ކުރެވޭއިރު، ފިރިމީހާ އެރަށުން ފުރާފައިވާކަމަ ކަމަށް ވެސް އެނާ ބުންޏެވެ. އަދި ފިލައިގެން ދިޔަ ފިރިހެން މީހާއަކީ އެރަށުގެ މީހެއް ނޫން ކަމަށާއި އަދި މަސްތުވާތަކެތީގެ ރިކޯޑެއް ވެސް އޮންނަ މީހެއް ކަމަށެވެ.
ފުލުހުންގެ ބުނީ ނޮޅިވަރަމްގައި އަންހެނަކު މަރާލައިގެން އުޅޭ ކަމުގެ މައުލޫމާތު ފުލުހުންނަށް ލިބިފައިވަނީ މިއަދު 12:30 ހާއިރު އެވެ. އެގޮތުން ފުލުހުން އެސަރަހައްދަށް އެޓެންޑުވި އިރު ހޭނިތިފައި އޮތް އަންހެނަކު ފުލުހުންގެ އެހީތެރިކަމާއި އެކު އެރަށު ހެލްތު ސެންޓަރަށް ގެންގޮސްފައިވާ ކަމަށެވެ. އަދި އެ އަންހެން މީހާ ހޮސްޕިޓަލަށް ގެންދިޔައިރުވެސް ނިޔާވެފައިވާކަމަށް ޑޮކްޓަރުން ފުލުހުންނަށް މައުލޫމާތު ދީފައިވާ ކަމަށްވެސް ބުންޏެވެ.
