ހދ. ނޮޅިވަރަމުގައި މަރުވެފައި އޮއްވާ ފެނުނު އަންހެން މީހާގެ ފިރިމީހާ ހައްޔަރުކޮށްފި އެވެ.
މައުލޫމަތު ލިބިފައިވާ ގޮތުގައި ފައިސަލް އަލީ އަމިއްލަ އަށް ހދ. ކުޅުދުއްފުށީ ޕޮލިސް ސްޓޭޝަނަށް ހާޒިރުވުމުން އޭނާ ވަނީ ހައްޔަރުކޮށްފައެވެ. އޭނާ ޕޮލިސް ސްޓޭޝަނަށް ދިޔައީ ހޯދަމުންދާ ކަމުގެ މައުލޫމާތު ލިބިގެންނެވެ.
އުމުރުން 28 އަހަރުގެ އަންހެނެއް ނޮޅިވަރަމްގައި މަރާލާފައިވާ ކަމަށް ބުނެ ފުލުހުންނަށް ރިޕޯޓުކޮށްފައިވަނީ މިއަދު މެންދުރު 12:30 ހާއިރު އެވެ. ފުލުހުން ބުނިގޮތުން ސީން އަށް އެޓެންޑުވެ ”ހޭނެތިފައިވާ މީހަކު“ އެރަށު ހެލްތު ސެންޓަރަށް ގެންގޮސްފައި ވެއެވެ. ނަމަވެސް އޭނާ ހެލްތު ސެންޓަރަށް ގެނައިރުވެސް އޮތީ މަރުވެފައި ކަމަށް ޑޮކްޓަރާއި ހަވާލާދީ ފުލުހުން ބުންޏެވެ.
އޭނާ މަރާލިކަމުގެ ތުހުމަތު ކުރަނީ އަންހެންމީހާގެ ފިރިމީހާ އދ. ފެންފުށީ އަބޫބަކުރު ފައިސަލް އަށެވެ.
