އެމްޑީޕީގެ މަތި އުތުރު ދާއިރާގެ ރައީސް ކަމަށް ހައުންސިން މިނިސްޓްރީގެ ސްޓޭޓް މިނިސްޓަރު އަކްރަމް ކަމާލުއްދީން އިންތިހާބުކޮށްފި އެވެ.
ހއ، ހދ. އަދި ށ އަތޮޅު ހިމެނޭ މަތި އުތުރު ދާއިރާގެ ރައީސްކަމުގެ މަގާމު ހުސްވީ ކުރިން އެ މަގާމުގައި ހުންނެވި އިބްރާހިމް ވަހީދު (އިބުރޭ) އެމްޑީޕީގެ ޑެޕިއުޓީ ޗެއާޕާސަންގެ މަގާމަށް އިންތިހާބުވުމާ ގުޅިގެންނެވެ.
އެ މަގާމަށް އަކްރަމްއާއެކު ދެން ވާދަކުރެއްވީ ހެލްތް މިނިސްޓްރީގެ ސްޓޭޓް މިނިސްޓަރު އަހްމަދު އާދިލް އަދި ހެރިޖޭޓް މިނިސްޓްރީގެ ސީނިއާ ޕޮލިސީ ޑިރެކްޓަރު އަހްމަދު ހާޝިމް (ޓިންޓިން) އެވެ.
އަކްރަމަށް 2988 ވޯޓު ލިބުނުއިރު އާދިލަށް 850 ވޯޓު އަދި ޓިންޓިންއަށް ލިބުނީ 291 ވޯޓެވެ.
މި އިންތިހާބު އަކްރަމް ކާމިޔާބު ކުރެއްވުމުން އޭނާ އަށް އެ ޕާޓީގެ މަޖިލިސް މެމްބަރުންނާއި އާންމު މެމްބަރުން އަންނަނީ މަރުހަބާ ކިޔަމުންނެވެ
