ހދ. ނޮޅިވަރަމްގައި މަރުވެފައި އޮއްވާ މިމަހުގެ 10 ވަނަ ދުވަހު ފެނުނު އުމުރުން 28 އަހަރުގެ ނިޝާމާ މުހައްމަދުގެ ހަށިގަނޑު ވަޅުލައިފި އެވެ.
މިރޭގެ މަޣްރިބް ނަމާދަށްފަހު ނިޝާމާގެ ހަށިގަނޑު ވަޅުލީ އާސަހަރާގަ އެވެ.
ނިޝާމާގެ ހަށިގަނޑު ވަޅުލާފައިވަނީ މިވަނީ ރާއްޖެއިން ބޭރުގައި ޕޯސްޓްމޯޓަމެއް ހެދުމަށްފަހު ހަށިގަނޑު މިއަދު މާލެ ގެނައުމަށްފަހު އެވެ.
ނިޝާމާގެ މަރުގެ މައްސަލައިގެ ތުހުމަތު ކުރެވޭ އޭނާގެ ފިރިމީހާ، އދ. ފެންފުށި، ރޯޒީ ވިލާ، އަބޫބަކުރު ފައިސަލް ފުލުހުންގެ ބެލުމުގެ ދަށުގައި ހދ. ކުޅުދުއްފުށީގައި ހުއްޓާ ދަންޖެހުނީ މިމަހުގެ 12 ވަނަ ދުވަހުގެ ރޭ 11:15 ހާއިރު އެވެ.
ފައިސަލް ދަންޖެހުމުން ފުލުހުން ވަނީ އޭނާ ހދ. ކުޅުދުއްފުށީ ރީޖަނަލް ހޮސްޕިޓަލަށް ގެންގޮސް ފަރުވާދޭން ފަށާފަ އެވެ. އެ ހޮސްޕިޓަލްގައި ވެންޓިލޭޓަރުގައި ފަރުވާ ދެމުން ދަނިކޮށް ފައިސަލް މަރުވީ މިމަހުގެ 19 ވަނަ ދުވަހު އެވެ.
