އެމްޑީޕީގެ ޕްރައިމަރީއަށް ކެންޑިޑޭޓުންގެ ނަންތައް ތަރުތީބު ކުރުމުން ރައްޔިތުންގެ މަޖިލީހުގެ ރައީސް މުހައްމަދު ނަޝީދަށް ކެންޑިޑޭޓު ނަމްބަރު އެކެއް އަދި ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހަށް ކެންޑިޑޭޓު ނަމްބަރު ދޭއް ލިބިވަޑައިގަނެފި އެވެ.
ޖެނުއަރީ 28، ގައި ބާއްވަން ހަމަޖެހިފައިވާ އެމްޑީޕީގެ ރިޔާސީ ޕްރައިމަރީގައި ވާދަ ކުރައްވާ ކެންޑިޑޭޓުން ރަސްމީކޮށް އިއުލާނު ކުރީ މިއަދެވެ. ކެންޑިޑޭޓުންގެ ނަންތައް އެމްޑީޕީން ތަރުތީބު ކުރީ ވެސް މިއަދެވެ.
ދެ ރައީސުންގެ ފޯމު ހުށަހަޅުއްވައި ކެމްޕޭނު ފަށާފައިވާއިރު ޕާޓީގެ ތެރޭގައި ދެ ފެކްޝަނެއް އުފެދި ފާޅުގައި ބަހުގެ ހަމަލާތައް ބަދަލުކުރަން ވަނީ ފަށާފަ އެވެ.
އެމްޑީޕީ އަކީ ރާއްޖޭގެ އެންމެ ގިނަ ދުވަސްވީ އެންމެ ބޮޑު ސިޔާސީ ޕާޓީ އެވެ. މިވަގުތު އެޕާޓީގެ ދަފްތަރުގައި 58،000 މެމްބަރުން އެބަ ތިއްބެވެ.
