މ. މުލީ ބަނދަރުގެ މަސައްކަތް އެމްޓީސީސީން ފަށައިފި އެވެ.
މި މަސައްކަތް އިއްޔެ ފައްޓަވައިދެއްވީ ރައްޔިތުންގެ މަޖިލީހުގެ ދިއްގަރު ދާއިރާގެ މެންބަރު އިކްރާމް ޙަސަން އާއި އެމްޓީސީސީގެ ސީއީއޯ އާދަމް އާޒިމް އެވެ.
މ. މުލި ބަނދަރުގެ ރީކޮންސްޓްރަކްޝަން މަސައްކަތް އެމްޓީސީސީއާ ހަވާލުކޮށްފައިވަނީ 550 ދުވަހުގެ ތެރޭގައި ނިންމާގޮތަށް 65.5 މިލިއަން ރުފިޔާ އަށެވެ.
މި މަޝްރޫއުގެ ދަށުން ބަނދަރު ފުން ކުރުން، ނެރު ފުން ކުރުން، 213 މީޓަރ ސޭންޑްފިލް ބްރޭކްވޯޓަރ ޖެހުން، 89 މީޓަރ ރިވެޓްމެންޓް ޖެހުން، 479 މީޓަރ އެއްގަމު ތޮށި ޖެހުން، 467 މީޓަރ ސްކޯރިންގ އެޕްރޮން ޖެހުން، 10 މޫރިންގ ބޮއި ހަރުކުރުން، 100 އަކަ މީޓަރ ރޭންޕެއް ހެދުން، އެކްސެސް ޕްލެޓްފޯމް އެޅުން، 3 މީޓަރ ކޮންކްރީޓް ބްރިޖެއް ހެދުން، 02 ނެވިގޭޝަން ލައިޓް ހަރުކުރުން، 27 މަގު ބައްތި ހަރުކުރުން އަދި 2370 އަކަ މީޓަރު ޕޭވްމަންޓް ހެދުން ހިމެނެ އެވެ.
