ހަނިމާދޫގައި ކުޑަކުދިންގެ ޕާރކެއް ހެދުމުގެ މަސައްކަތް ކޮށްދޭނެ ފަރާތެއް ހޯދަން ދެވަނަފަހަރަށް އިއުލާން ކޮށްފިއެވެ. މީގެ ކުރިން 2022 ވަނަ އަހަރު އޭޕުރީލް މަހު ވެސް ވަނީ ކުޑަކުދިންގެ ޕާރކެއް ހެދުމަށް އިއުލާން ކޮށްފައެވެ.
ހަނިމާދޫ ކައުންސިލުން މިފަހަރު ކުރި އިއުލާނުގައި ބުނެފައި ވަނީ އެ ކައުންސިލުން ދޭ މައުލޫމާތާއި އެއްގޮތައް އަމިއްލަ ތަކެތީގައި ކުޑަކުދިންގެ ޕާކެއް ތަރައްޤީކޮއްދޭނެ ފަރާތެއް ހޯދަންބޭނުންވާކަމަށެވެ. އަދި ކުޑަކުދިންގެ ޕާކް ތަރައްޤީ ކޮށްދިނުމަށް ޝަޢުޤުވެރިވެލައްވާ ފަރާތްތަކުން، 28 ފެބުރުވަރީ 2023 ވާ ދުވަހުގެ ހެނދުނު 10:30 އަށް ހަނިމާދޫ ކައުންސިލް އިދާރާއަށް ވަޑައިގެން މައުލޫމާތު ސާފުކުރުމަށެވެ.
އަދި އަންދާސީ ހިސާބު ހުށަހެޅުމާއި އަންދާސީ ހިސާބު ހުޅުވުން ކުރިއަށް ގެންދިޔުމަށް ހަމަޖެހިފައި ވަނީ 9 މާރިޗް 2023 ވާ ދުވަހުގެ ހެނދުނު 10:00 ގައި ހަނިމާދޫ ކައުންސިލް އިދާރާގެ ކޮންފަރެންސް ރޫމްގައި ކަމަށް އިއުލާނުގައި ބުނެފައިވެއެވެ.
މަޢުލޫމާތު ސާފުކުރެއްވުމަށް ވަޑައިނުގަންނަވާ ފަރާތްތަކުގެ އަންދާސީ ހިސާބުތަކާއި، ކަނޑައެޅިފައިވާ ގަޑީގެ ފަހުން ގެންނަ އަންދާސީ ހިސާބުތައް ހުށަހެޅުމުގެ ފުރުޞަތެއް ނުދެވޭނެ ކަމަށްވެސް އެ އިއުލާންގައި ބަޔާން ކޮށްފައިވެއެވެ.
