ހަނިމާދޫ ކައުންސިލް ޤުރުއާން މުބާރާތް ހިންގައިދޭނެ ފަރާތެއް އެ ކައުންސިލުން ހޯދަން އިއުލާން ކޮށްފިއެވެ.
ހަނިމާދޫ ކައުންސިލުން ބުނީ އެ ކައުންސިލުން ދޭ މައުލޫމާތާއި އެއްގޮތައް ހަނިމާދޫ ކައުންސިލް ޤުރުއާން މުބާރާތް ހިންގަދޭނެ ފަރާތެއް ހޯދަން ބޭނުންވާކަމަށެވެ.
އެހެންކަމުން ހަނިމާދޫ ކައުންސިލް ޤުރުއާން މުބާރާތް ހިންގަދޭނެ ޝަޢުޤުވެރިވެލައްވާ ފަރާތްތަކުން، 01 ފެބުރުވަރީ 2023 ވާ ބުދަ ދުވަހުގެ ހެނދުނު 10:30 އަށް ހަނިމާދޫ ކައުންސިލް އިދާރާއަށް ވަޑައިގެން މައުލޫމާތު ސާފުކުރެއްވުމަށް ހަނިމާދޫ ކައުންސިލުން އެދިލައްވައެވެ.
އަދި އަންދާސީ ހިސާބު ހުށަހެޅުމާއި އަންދާސީ ހިސާބު ހުޅުވުން ކުރިއަށް ގެންދިޔުމަށް ހަމަޖެހިފައިވަނީ 12 ފެބުރުވަރީ 2023 ވާ އާދިއްތަ ދުވަހުގެ ހެނދުނު 10:00 ގައި ހަނިމާދޫ ކައުންސިލް އިދާރާގެ ކޮންފަރެންސް ރޫމްގައެވެ.
މަޢުލޫމާތު ސާފުކުރެއްވުމަށް ވަޑައިނުގަންނަވާ ފަރާތްތަކުގެ އަންދާސީ ހިސާބުތަކާއި، ކަނޑައެޅިފައިވާ ގަޑީގެ ފަހުން ގެންނަ އަންދާސީ ހިސާބުތައް ހުށަހެޅުމުގެ ފުރުޞަތެއް ނުދެވޭނެ ކަމަށްވެސް އެ އިއުލާންގައި ބަޔާން ކޮށްފައިވެއެވެ.
