އެމްޑީޕީގެ ރިޔާސީ ޕްރައިމަރީ ރައީސް އިބްރާހިމް މުހައްމަދު ސޯލިހު ކާމިޔާބު ކުރައްވައިފި އެވެ.
މި އިންތިހާބުގައި މުޅި ރާއްޖޭގައި 243 ވޯޓު ފޮށި ބެހެއްޓިއިރު މިހާތަނަށް ގުނި 150 ފޮށީގެ ނަތީޖާއިން ރައީސުލްޖުމްހޫރިއްޔާ ވަނީ ވޯޓުލީ މީހުންގެ 65 ޕަސެންޓް ވޯޓު ހޯއްދަވައިފަ އެވެ.
ޕްރައިމަރީ ކާމިޔާބު ކުރެއްވުމުން މިއަހަރު ބާއްވާ ރިޔާސީ އިންތިހާބުގެ އެމްޑީޕީގެ ރިޔާސީ ޓިކެޓް އެމަނިކުފާނަށް މިހާރު ވަނީ ކަށަވަރުވެފަ އެވެ.
އެމްޑީޕީ ރިޔާސީ ޕްރައިމަރީގެ ވޯޓުލުން ކުރިއަށް ގެންގޮސްފައިވަނީ ހެނދުނު 9 އިން ހަވީރު 5 ޖެހުމާ ހަމައަށެވެ.
މި އިންތިހާބުގައި 57،257 މީހުންނަށް ވޯޓުލުމުގެ ހައްގު ލިބިފައިވާއިރު 30،000 އަށް ވުރެ ގިނަ މީހުން ވޯޓުލާފައިވެ އެވެ. މި އިންތިހާބުގައި 243 ވޯޓު ފޮށި ބަހައްޓާފައިވެ އެވެ.
