ހަނިމާދޫއިން ޓްރިވެންޑްރަމަށް ކުރާ ދަތުރުތަށް މާރޗު 1 ވަނަ ދުވަހުން ފެށިގެން ހުއްޓާލުމަަށް ނިންމާފައިވާކަން ގޮށްކޮޅަށް މައުލޫމަތު ލިބިއްޖެއެވެ.
އިތުބާރު ހުރި މަސްދަރަކުން މައުލޫމަތު ލިބިފައިވާގޮތުން މިހާރު ހަފުތާގެ ދެ ދުވަހު ކުރާ މިދަތުރުތަށް މާރޗު މަހުގެ 1 ވަނަ ދުވަހުން ފެށިގެން ހުއްޓައިލާނެއެވެ.
ދަތުރުތަށް ހުއްޓާލަނީ ހަނިމާދޫ އެއަރޕޯޓު ބޮޑުކުރުމުގެ މަސައްކަތަށް އެއަރޕޯޓުގެ އޮޕަރޭޝަން ހަމަ އެކަނި ދުވާލުގެ ވަގުތުތަކަށް ބަދަލު ކުރުމަށް ނިންމާފައިވާތީ ކަމަށް އެފަރާތުން މައުލޫމަތުދެއެވެ. އަދި މިދަތުރުތައް އަލުން ފެށޭނެ ވަކި މުއްދަތެއް އެފަރާތުން ހާމަކޮަށްފައިނުވެއެވެ.
ހަނިމާދޫ އެއާޕޯޓުން އެންމެ ފުރަތަމަ އިންޓަނޭޝަނަލް ދަތުރުތަށް ފެށީ 2009 ވަނަ އަހަރުގެ އޮކްޓޫބަރ 28 ވަނަ ދުވަހު އިންޑިޔާގެ ކޮޗިން އިންޓަނޭޝަނަލް އެއަރޕޯޓަށެވެ. އެއަށް ފަހު 2013 ފެބުރުވަރީ 03 ވަނަ ދުވަހުވަނީ ޓްރިވެންޑްރަމަށް ދަތުރުތަށް ފަށާފައެވެ. ނަމަވެސް ކޮވިޑް 19 ގުޅިގެން ދަތުރުތަށް ހުޓާލި ނަމަވެސް 2022 ވަނަ އަހަރު މޭ 8 ވަނަ ދުވަހު ވަނީ ދަތުރުތަށް އަލުން ފަށައިފައެވެ.
ހަނިމާދޫ އެއަރޕޯޓުން ކުރާ މިދަތުރުތަކަށް ހަނިމާދޫގެ އިތުރުން ކައިރި ރަށްތަކުގެ ރައްޔިތުންގެ ބޮޑު ތަރުހީބެއް އޮތްކަން ފާހަގަކުރެވެއެވެ.
