ހދ. ވައިކަރަދޫ ކައުންސިލްގެ އަންހެން މެންބަރު އިންތިޚާބު ކުރުމަށް ބޭއްވި ބައި-އިލެކްޝަން އެމްޑީޕީގެ ކެންޑިޑޭޓު ކާމިޔާބުކޮށްފިއެވެ.
މިއަދު ބޭއްވި މި އިންތިޚާބުގެ ވަގުތީ ނަތީޖާ މިހާރު އިލެކްޝަން ކޮމިޝަނުން ވަނީ އާންމުކޮށްފައެވެ. މިގޮތުން ވަގުތީ ނަތީޖާ ދައްކާގޮތުން އެމްޑީޕީގެ ކެންޑިޑޭޓް އައިޝަތު ޝިޒުނާއަށް 283 ވޯޓު ލިބުނު އިރު ޝިޒުނާއާއި ވާދަ ކުރި އަދާލަތު ޕާޓީގެ ކެންޑިޑޭޓު ފާތިމަތު ނަޒްލާއަށް ލިބުނީ 258 ވޯޓެވެ.
މި އިންތިޚާބުގައި ވޯޓުލުމުގެ ހައްގު ލިބިފައިވާ 1361 މީހުން ތިބި އިރު އިންތިޚާބުގައި ވޯޓުލާފައިވަނީ 576 މީހުންނެވެ. މިއީ ވޯޓުލުމުގެ ހައްޤު ލިބުނު މީހުންގެ 42.32 އިންސައްތަ މީހުންނެވެ.
