ގދ.ފަރެސްމާތޮޑާ އެއަރޕޯޓް ރައީސުލްޖުމްހޫރިއްޔާ އިބްރާހިމް މުޙައްމަދު ޞާލިހް ރަސްމީކޮށް ހުޅުވައިދެއްވައިފިއެެވެ.
ފަރެސްމާތޮޑާ އެއަރޕޯޓް ރައީސުލްޖުމްހޫރިއްޔާ ރަސްމީކޮށް ހުޅުވަައިދެއްވީ އެކަމަށްޓަކައި ރޭ ފަރެސްމާތޮޑާ ރައްޔިތުންނާއެކު އެރަށުގައި ބޭއްވި ކުލަގަދަ ރަސްމިއްޔާތަކާއެކުއެވެ.
ފަރެސްމާތޮޑާ އެއަރޕޯޓަކީ މިސަރުކާރުން ތަރައްޤީކޮށް ހުޅުވި ދެވަނަ އެއަރޕޯޓެވެ. މިއީ އެތެރެގޭ އުދުހުންތަކަށް ޚާއްސަ އެއަރޕޯޓެކެވެ. 1200 މީޓަރުގެ ރަންވޭއަކާއެކު ތަރައްޤީކޮށްފައިވާ މިއެއަރޕޯޓަކީ ރޭގަނޑުވެސް ފްލައިޓް ޖެއްސޭގޮތަށް، ނެވިގޭޝަން ލައިޓްތަކާއެކު ތަރައްޤީކޮށްފައިވާ އެއަރޕޯޓެކެވެ. މި އެއަރޕޯޓުން އެއްފަހަރާ 150 ފަސިންޖަރުންނަށް ޚިދުމަތް ފޯރުކޮށްދެވިގެންދެއެވެ.
މި ޕްރޮޖެކްޓް ކުރިއަށް ގެންގޮސްފައިވަނީ ފަރެސްމާތޮޑާ ފަޅުތެރޭގައި އޮތް ކުދި ރަށްތަކެއް ހިއްކާ ގުޅުވާލައިގެންނެވެ.
