އިސްލާމިކް އެފެއާޒް ޑރ. އަޙްމަދު ޒާހިރު ޢަލީ، ހދ.ހަނިމާދޫ ކައުންސިލް މެންބަރުންނާ ބައްދަލުކުރައްވައިފިއެވެ.
މިއަދު މިނިސްޓްރީ އޮފް އިސްލާމިކް އެފެއާޒް ގައި ކުރިއަށްދިޔަ މިބައްދަލުވުމުގައި ހަނިމާދޫ ކައުންސިލްގެ އެމްޑީޕީ އަށް ނިސްބަތްވާ ހަތަރު މެންބަރުންގެ އިތުރުން އެ ކައުންސިލްގެ އެސްޖީވެސް ވަނީ ބައިވެރިވެ ވަޑައިގެންފައެވެ.
މިނިސްޓްރީ އޮފް އިސްލާމިކް އެފެއާޒްއިން ހާމަ ކޮށްފައިވާގޮތުން މި ބައްދަލުވުމުގައި ހަނިމާދޫ ކައުންސިލްގެ މެންބަރުންވަނީ އެރަށުގައި އަލަށް އިމާރާތްކުރާ މިސްކިތާއި، ވަޤުފް އިމާރާތާއި، މިހާރު ބޭނުން ކުރަމުންދާ މިސްކިތަށް ދިމާވެފައިވާ އިމާމުންގެ މައްސަލައާއި ޤުރުއާން ކްލާހަށް ޓީޗަރެއް ހޯދުމާ ގުޅޭގޮތުން މަޝްވަރާކޮށްފައެވެ.
އަދި ޖަމާޢަތްތެރިކަމުގެ ކޯހެއް ހިންގުމާ ގުޅޭ މަޢުލޫމާތު މިނިސްޓަރާ ހިއްސާކުރައްވައި، އެކަމާ ގުޅޭ ގޮތުން ވެސް މަޝްވަރާކުރައްވާފައި ވާކަމަށް މިނިސްޓްރީ އޮފް އިސްލާމިކް އެފެއާޒްއިން ހާމަ ކޮށްފައިވެއެވެ.
މި ބައްދަލުވުމާ ގުޅޭގޮތުން ހަނިމާދޫ ކައުންސިލުން މިހާތަނަށް އެއްވެސް މައުލޫމާތެއް ހާމަ ކޮށްފައެއް ނުވެއެވެ.
