ހަނިމާދޫ ކައުންސިލުގެ މެންބަރުން ލޯކަލް ގަވަމެންޓް އޮތޯރިޓީއާ (އެލްޖީއޭ) ބައްދަލުކޮށްފިއެވެ.
މިބައްދަލުވުން ކުރިޔަށް ގެންދިޔައީ މިހާރު ހަނިމާދޫ ކައުންސިލަރުން މާލެއަށް ކުރަމުންދާ ޒިޔާރަތުގެ ތެރެއިންނެވެ. މީގެ ކުރިން ހަނިމާދޫ ކައުންސިލުން ވަނީ މިނިސްޓްރީ އޮފް އިސްލާމިކް އެފެއާޒް ޑރ. އަޙްމަދު ޒާހިރު ޢަލީއާ ވެސް ބައްދަލުކޮށްފައެވެ.
މި ބައްދަލުވުމާ ގުޅޭގޮތުން މައުލޫމާތު ދެވަމުން ހަނިމާދޫ ކައުންސިލްގެ ނައިބުރައީސް ފިރާގް މުހައްމަދު ވިދާޅުވީ މިއަދުގެ ބައްދަލުވުމުގައި “ފަނޯއްލަ ދަރުބާރާއި” ބެހޭގޮތުން މަޝްވަރާ ކޮށްފައިވާކަމަށެވެ. އަދި ކައުންސިލްތަކަށް ދިމާވާ ދަތި ތަކާގުޅޭގޮތުން މަޝަވަރާކޮށްފައި ވާކަމަށްވެސް ވިދާޅުވިއެވެ.
މީގެ އިތުރުން މިބައްދަލުވުމުގައި ވަނީ މެއި 12-14 ބާއްވަން ތައްޔާރުވާ “ވިއަވަތި ރާއްޖެ” މަހާސިންތާއާ ގުޅޭގޮތުންވެސް މަޝަވަރާ ކޮށްފައިކަމަށް ނައިބުރައީސް ފިރާގް ވިދާޅުވިއެވެ.
