އެމްއެންޕީގެ ޔޫތު ވިންގާއި މޯލްޑިވްސް ޔުނިފައިޑް ގޭމިންއާއި ގުޅިގެން ޕީއެސް ފީފާ މުބާރާތެއް ފަށައިފިއެވެ.
މިމުބާރާތް ފެށުމަށް ބޭއްވި ރަސްމިއްޔާތު ޝަރަފުވެރިކޮށްދެއްވީ އެމްއެންޕީގެ ރައީސް މުހައްމަދު ނާޒިމްއެވެ.
ހުޅުވުމުގެ ރަސްމިއްޔާތުގައި ދެއްކެވި ވާހަކަފުޅުގައި އެމްއެންޕީއަކީ އަބަދުވެސް ޒުވާނުންނަށް ސަޕޯޓްކޮށް ޒުވާނުންނާއެކީ ވާ ޕާޓީ އެއްކަން ނާޒިމް ވަނީ ފާހަގަ ކުރައްވާފައެވެ.
އަދި އެމްއެންޕީގެ ހުރިހާ ޖަގަހަ ތަކަކީ ޒުވާނުންނަށްޓަކައި ފަންނީ ހަރަކާތްތައް ހިންގުމަށް ހުރިހާ ވަގުތެއްގައިވެސް ބޭނުން ކުރުމަށް ހުޅުވިފައި ހުންނާނެ ތަންތަންކަމުގައި ވަނީ ނާޒިމް ވިދާޅުވިއެވެ.
މީގެ އިތުރުން ކުރިއަށް އޮތްތަނުގައި މިކަހަލަ އިތުރު މުބާރާތްތައް ބާއްވަވާނެ ކަމުގެ ޔަގީންކަން ވެސް ނާޒިމް ވަނީ ދެއްވާފައެވެ.
އޭޕްރިލް 6 އިން 11 ވަނަ ދުވަހުގެ ނިޔަލަށް ކުރިއަށް ގެންދާ މުބާރާތް ކުރިއަށް ދަނީ ރޭގަނޑު 9.30 އިން މެންދަމު 12.00 އަށް އެމްއެންޕީ މައި އޮފީހުގެ ޖަހަގަހައިގައެވެ.
މި މުބާރާތުގެ އެއްވަނަހޯދާ ފަރާތަކަށް ކަނޑައެޅިފައިވަނީ 8000 ރުފިޔާއެވެ. އަދި ދެވަނަޔަށް ހަމަޖެހިފައިވަނީ 5000 ރުފިޔާއެވެ. ތިންވަނަޔަށް ހަމަޖެހިފައިވަނީ 3000 ރިފިޔާއެވެ. އަދި ހަތަރުވަނަޔަށް 1000 ރުފި ޔާ އާއި ފަސްވަނަޔަށްދާ ފަރަތުން ފެށިގެން 8 ވަނަޔާ ހަމަޔާށްދާ ކޮންމެ ފަރާތަކަށް 500 ރުފިޔާ ހަމަޖެހިފައިވެއެވެ.
