ހަނިމާދޫގައި ޒުވާނުންގެ ޖަމްޢިއްޔާގެ އައު ހިންގާ ކޮމިޓީ އިންތިހާބު ކޮށްފިއެވެ.
އެ ޖަމްޢިއްޔާގެ އިންތިހާބީ ޖަލްސާ 7 މެއި 2023 ވީ އާދީއްތަ ދުވަހުގެ ރޭ ބާއްވާފައިވާއިރު ޖުމްލަ ހަތް މަޤާމަކަށް ވަނީ މެމްބަރުން ހޮވާފައެވެ. އެ މަޤާމްތަކަކީ ރައީސް، ނައިބް ރައީސް01، ނައިބް ރައީސް02، ޖެނެރަލް ސެކްރެޓަރީ، ހަޒާންދާރު، މީޑިއާ ކޯޑިނޭޓަރ އަދި ސްޕޯޓްސް ސެކްރެޓަރީއެވެ.
ރައީސްގެ މަގާމަށް ކުރިމަތިލީ މޫސާ ކައުޔަޝް ކައިލް އެކަންޏެވެ. އޭނާ އެމަގާމަށް ހޮވުމަށް 30 މެމްބަރުން ވޯޓް ދިން އިރު ނުފެންނަކަމަށް 1 ވޯޓް ވަނީ ލިބިފައެވެ. އިންތިހާބީ ޖަލުސާގައި 38 މެމްބަރުން ވަނީ ބައިވެރިވެފައެވެ.
ނައިބުރައީސް 1 ގެ މަގާމަށް ކުރިމަތި ލާފައިވަނީ މުހައްމަދު ހަސަން އަދި ފަރުހާތު މޫސާއެވެ. މި މަގާމް 24 ވޯޓުން ކާމިޔާބުކުރީ މުއްމަދު ހަސަނެވެ. ފަރުހާދަށް ލިބުނީ 13 ވޯޓެވެ.
ނައިބުރައީސް 2 އަކަށް ކުރިމަތިލީ މުހައްމަދު ނިޔާޒު އެކަންޏެވެ. އެނާ އެމަގާމަށް ހޮވުނީ 33 ވޯޓުންނެވެ. ނައިބުރައީސް 2 ނިޔާޒު ހޮވަން ނުފެނަން ކަމަށް 2 ވޯޓް ލިބިފައިވެއެވެ.
ޖެނެރަލް ސެކްރެޓަރީގެ މަގާމަށް އިބުރާހިމް ހުސެން ފުޅު އަދި އަބުދުލް ސަލާމް އާލީ ވާދަކޮށް 9 ވޯޓް 29 ވޯޓުން މަގާމަށް ހޮވުނީ އިބުރާހިމް ހުސެން ފުޅު އެވެ.
އަބޫބަކުރު އަބުދުލް ވާހިދު އާއި އަބޫބަކުރު އިބުރާހިމް އަދި މުހައްމަދު ނާސިރު ވާދަކޮށް ސްޕޯޓްސް ސެކްރެޓަރީ ގެ މަގާމަށް ހޮވުނީ އަބޫބަކުރު އަބުދުލް ވާހިދު އެވެ. އޭނާއަށް 21 ވޯޓް ލިބުނުއިރު އަބޫބަކުރު އިބުރާހިމްއަށް ލިބުނީ 11 ވޯޓެވެ. އަދި ނާސިރުއަށް ލިބުނީ 4 ވޯތެވެ.
ހަޒާންދާރު އަދި މީޑިޔާ ކޯޓިނޭޓަރގެ މަގާމަށް ކުރިމަތީލީ އެއްމެ ފަރާތެވެ. އެގޮތުން 30 ވޯޓާއެކު ހަޒާންދާރުގެ މަގާމަށް ފަރުހާދު މޫސާ އިންތިހާބު ވީއިރު 32 ވޯޓުން މިޑިޔާ ކޯޓިނޭޓަރގެ މަގާމަށް ހޮވުނީ އަބުދު ﷲ ނާސިރު އެވެ.
ހަނިމާދޫ ޒުވާނުންގެ ޖަމްޢިއްޔާއަކީ 1993 ވަނަ އަހަރު ރަޖިސްޓަރީކޮށް މިއަދާ ހިސާބަށް ވެސް ހުއްޓުމެއްނެތި ކާމިޔާބު ކަމާއިއެކު ހިންގަމުން އަންނަ ޖަމްޢިއްޔާއެކެވެ. ޖަމްޢިއްޔާގެ އުމުރުން މިހާރު 30 އަހަރު ވެފައިވާއިރު މި ޖަމްޢިއްޔާއިން އަންނަނީ ކޮންމެ އަހަރަކު ވެސް ހަނިމާދޫގެ ކުރިއެރުމަށް މުހިންމު މަސައްކަތްތަކެއް ކުރަމުންނެވެ. މިގޮތުން ތަޢުލީމީ ދާއިރާއާއި ކުޅިވަރާއި ގުޅުންހުރި ދާއިރާތައް ފާހަގަ ކޮށްލެވެއެވެ. ހަނިމާދޫގައި 2001 ވަނަ އަހަރުން ފެށިގެން ޕްރީސްކޫލްގެ ޚިދުމަތް ވެސް ފޯރުކޮށްދެމުން އަންނަނީ އެ ޖަމްޢިއްޔާއިންނެވެ.
