ހދ. ކުޅުދުއްފުށީގައި ގެއެއްގެ ފާހާނާ ތެރެއަށް ވެއްޓިފައި އޮތް މީހަކު މަރުވެފައިވާ ކަމަށް ފުލުހުން ބުނެފިއެވެ.
ފުލުހުން މިއަދު ބުނީ އެމީހާ ފާހާނާ އަށް ވަދެ، ނުނިކުމެ ގިނަ އިރުތަކެއް ވެގެން ބެލިއިރު ފާހާނާ ތެރެއަށް ވެއްޓިފައިވާ ކަމުގެ މައުލޫމާތު މިއަދު ހެނދުނު 10:30 ހާއިރު ފުލުހުންނަށް ލިބިފައިވާ ކަމަށެވެ.
އެމީހާ ކުޅުދުއްފުށި ރީޖަނަލް ހޮސްޕިޓަލަށް ގެންދިޔައިރު ވެސް މަރުވެފައިވާ ކަމަށް ފުލުހުން މައުލޫމާތު ދީފައިވެއެވެ.
ފުލުހުން ބުނީ މަރުވެފައި ވަނީ އުމުރުން 48 އަހަރުގެ ދިވެހި ފިރިހެނެއް ކަމަށެވެ.
