ހަނިމާދޫ ކައުންސިލުން ކަށުކަމާ ކެމީގެ ކޯހެއް ހިންގައިދޭނެ ފަރާތެއް ހޯދަން އިއުލާންކޮށްފިއެވެ.
ހަނިމާދޫ ކައުންސިލުން އިއްޔެ ކުރި އިއުލާނެންގައި ބުނީ ހަނިމާދޫ އަންހެނުންގެ ތަރައްޤީއަށް މަސައްކަތްކުރާ ކޮމެޓީން ހިންގުމަށް ހަމަޖެހިފައިވާ ކަށުކަމާ ކެމީގެ ކަންކަން ދަސްކޮށްދޭ ކޯހެއް ހިންގައި ދޭނެ ފަރާތެއް ހޯދަން ބޭނުންވާކަމަށެވެ.
އަދި މިކޯސް ހިންގައި ދިނުމަށް ޝަޢުޤުވެރިވާ މިފަދަ ކޯސް ހިންގައި ދެވޭނެ ފަންނީ ފަރާތްތަކުން އެކަން ކޮއްދެވޭނެ އަގު ބަޔާންކޮށް، 2023 ޖޫން 07 ވާ ބުދަ ދުވަހުގެ ހެނދުނު 10:00 ގެ ކުރިން ލިބިފައިވާ ތަޢުލީމީ ސެޓްފިކެޓްތަކާއި، ތަޖްރިބާގެ ލިޔުންތައް ހަނިމާދޫ ކައުންސިލަށް ހުށަހެޅުއްވުން ވެސް އެދިފައިވެއެވެ.
މިކަމަށް ލިޔުން ހުށައަޅާއިރު ހަނިމާދޫ ކައުންސިލުން ކޮށްދޭންޖެހޭނެ ކަންކަމާއި ކޯސް ހިންގާ ފަރާތުން ކުރައްވާނެ ކަންކަން ބަޔާންކުރުމަށްވެސް އިއުލާނުގައި ބުނެފައިވެއެވެ.
