ފިލްމީ ތަރި އަލީ ސީޒަންގެ އެސް ޕްރޮޑަކްޝަނާއި ސަޓާން ސްޓޫޑިއޯ ގުޅިގެން އުފައްދާފައިވާ ދިވެހި ފިލްމު، “ލޯބިވެވިއްޖެ” ހަނިމާދޫގައި އަޅުވަންނިންމައިފިއެވެ.
ސެޓާރން ސްޓޫޑިއޯގެ ހަނިމާދޫ ޑިސްޓްރިބިއުޓަރ ސުހޫދު ހަސަން ވިދާޅުވީ ލޯބިވެވިއްޖެ ހަނިމާދޫގައި އަޅުވާނީ 8 ޖޫން 2023 ވަނަ ދުވަހުކަމަށެވެ. ޓިކެޓް ބައްލަވައިގަތުމަށް 9638967 އަށް ގުޅުއްވުމަށާއި، ޓިކެޓެއްގެ އަގަކީ 100 ރުފިޔާ ކަމަށްވެސް އޭނާ ބުންޏެވެ. އަދި ފުރަތަމަ ދެ ރޯގެ ސީޓްތަކުގެ އަގު ތަފާތު ވާނެ ކަމަށްވެސް އޭނާ ބުންޏެވެ.
“ލޯބިވެވިއްޖެ” އަކީ ރާއްޖޭގެ ނަން މަޝްހޫރު ގިނަ ސީނިއާ އެކްޓަރުންތަކެއް ލީޑުން ފެންނަ ފިލްމެކެވެ. އެގޮތުން ލީޑްގައި މިވަގުތު އެންމެ އަލިގަދަކޮށް ވިދަމުން އަންނަ ޢަލީ ސީޒަން، މަރްޔަމް ރިޝްފާ، ޢަލީ އާޒިމް (ދޮން އައްޔަ)، މަރިޔަމް އައްޒަ، އިބްރާހީމް ޝާފިޢު (ފުބޫ)، އިރުފާނާ އިބްރާހިމް (އެރޫ)، އަހްމަދު އީސާ (އާނަންދު) ގެ އިތުރުން ޢަލީ ޝަމީލް ހިމެނެއެވެ. އަދި މި ފިލްމުގެ ޚާއްސަ ރޯލަކުން ރާއްޖޭގެ މަޝްހޫރު އަދި އެންމެ ހުނަރުވެރި އެކްޓަރު އަހްމަދު ނިމާލް ވެސް ފެނެއެވެ.
އަޙްމަދު ޒަރީރު ސްކްރީންޕްލޭ ލިޔުނު މި ފިލްމު ޑައިރެކްޓްކުރީ ޢަލީ ސީޒަން އެވެ.
