2023 ވަނަ އަހަރު ސެޕްޓެމްބަރު މަހުގެ 9 ވަނަ ދުވަހު ބޭއްވުމަށް ތައްޔާރުވަމުން އަންނަ ރިޔާސީ އިންތިހާބަށް ޖުމުހޫރީ ޕާޓީގެ ހަނިމާދޫ ލަޝްކަރު ރުކުރުވާލައިފިއެވެ.
ހަނިމާދޫގައި ޖުމުހޫރީ ޕާޓީގެ 5 ގޮފި ހަރަކާތްތެރިވާއިރު 300 އަށްވުރެ ގިނަ މެންބަރުން ތިބެއެވެ. އެ މެންބަރުން މިހާރު ވަނީ ކެންޕޭން ހަރަކާތްތައް މެނޭޖްކުރަމަށް ބޭފުޅުން ހޮވާފައެވެ.
އެގޮތުން 2023 ވަނަ އަހަރުގެ ރިޔާސީ އިންތިހާބުގައި އެ ޕާޓީގެ ހަނިމާދޫ ހަރަކާތްތައް މެނޭޖުކުރުމަށް އެންމެ އިސްކޮން (މެނޭޖަރަކަށް) ހަރަކާތްތެރިވާނީ ހދ.ހަނިމާދޫ، އެނގަކުރި، މުސްޠަފާ ސަލީމެވެ. އަދި އޭނާއާއެކު ހަރަކާތްތެރިވުމަށް ދެ އެސިސްޓެންޓުން ވަނީ ނަގާފައެވެ. އެއީ ހދ.ހަނުމާދޫ، ގަހާ، މުހައްމަދު އިދުރީޝް އާއި ހދ.ހަނިމާދޫ، ބޯށި، ދާއުދު ރަޝީދުއެވެ. މި ބޭފުޅުން މި މަގާމަށް ހޮވިފައިވަނީ ޖޭޕީގެ މެންބަރުގެ ފުރިހަމަ އަގުލަބިއްޔަތާއެކުއެވެ.
މީގެ އިތުރުން ވަނީ ހަނިމާދޫ ދާއިރާގެ ރައީސް ކަމަށްވެސް ބޭފުޅަކު އައްޔަނު ކޮށްފައެވެ. އެގޮތުން ރައީސްގެ މަގާމަށް ދެ ބޭފުޅުން ވާދަކުރިއެވެ. އެއީ މުހައްމަދު އިބުރާހިމާއި ހދ.ހަނިމާދޫ ފިނިފެންމާގެ، އަޙްމަދު އަނާންއެވެ. ރައީސްގެ މަގާމަށް އިންތިހާބަކާއި ނުލާ ހޮވިފަފައިވަނީ އަޙްމަދު އަނާންއެވެ. އެއީ މުހައްމަދު އިބުރާހިމް ނަން އަނބުރާ ނެގުމުންނެވެ.
ރިޔާސީ އިންތިހާބުގައި ވާދަކުރައްވާ ޖުމްހޫރީ ޕާޓީ (ޖޭޕީ)ގެ ލީޑަރު އަދި ރިޔާސީ ކެންޑިޑޭޓް ގާސިމް އިބްރާހީމަށް ރިޔާސީ ޓިކެޓް ހަވާލުކުރުމުގެ ޖަލްސާ މިމަހުގެ ނުވަ ވަނަ ދުވަހު ރޭ މާލޭ ކާނިވާ ސަރަހައްދުގައި ބޭއްވުމަށް އެ ޕާޓީން ވަނީ ނިންމާފައެވެ.
