ރޭ ދަންވަރު ފިއްލަދޫ ގެއެއްގައި ރޯވެ ގެ ބޭނުން ނުކުރުވޭވަރަށް އަނދައިފިއެވެ.
މި ހާދިސާއާއި ބެހޭގޮތުން ގޮށްކޮޅަށް މައުލޫމާތު ހިއްސާ ކުރަމުން ފިއްލަދޫ ކައުންސިލްގެ ނައިބުރައީސް މުޙައްމަދު ރަޒީފް ވިދާޅުވީ ރޭ 1:15 ހާއިރު އެރަށު ހިތަށް ފިނިވާގޭގައި އަލިފާނުގެ ހާދިސާއެއް ހިގާފައިވާކަމަށެވެ.
” އަލިފާނުގެ ހާދިސާ ހިނގި މީހުން ނިދާފައި ތިއްބާ، 7 މީހުން ތިބި އެގޭގައި، އޭގެތެރޭގައި ކުޑަ 3 ކުދިން، އުމުރުން ދުވަސް ވީ 2 މީހުން ހިމެނޭ އެމީހުންނަށް ވަނީ ހަނި ގޮތަކަށް ސަލާމަތްވެވިފައި”
ރޭ ހިތަށްފިނިވާގޭގައި ރޯވި އަލިފާން ރައްޔިތުންގެ އެހީތެރިކަމާއެކު ނިވާލެވުނީ 2:45 ހާއިރު ކަމަށް އެނާ ބުންޏެވެ.
” އެގޭ ކައިރީ ހުރި ގެތަކުގެ ވަޅުތަކަށް ޕަންޕު ލައިގެން ފެންޖެހީ، ރައްޔިތުންގެ އެއްބާރުލުން ވަރަށް ރަނގަޅަށް ލިބުނު”
އަލިފާނުގެ ހާދިސާގައި ގެ ބޭނުން ނުކުރުވޭ ވަރަށް އެނދުމުން އެގޭގައި ދިރި އުޅުނު މީހުން މިހާރު އުޅެނީ އާއިލާ ބައެއްގެ ކައިރީއެވެ.
