ހެޔޮއެދޭ ފަރާތްތަކުގެ އެހީތެރިކަމާއިއެކު ހަނިމާދޫ “މަސްޖިދުލް މޫސާ އަލީ” ގައި އެއާކަންޑިޝަން ހަރުކުރުމުގެ އަމަލީ މަސައްކަތް ފަށައިފިއެވެ.
މި މަސައްކަތާ ގުޅޭގޮތު ހަނިމާދޫ ކައުންސިލް ނައިބު ރައީސް ފިރާގް މުހައްމަދު ވިދާޅުވީ އެ މިސްކިތުގައި އޭސީ ހަރުކުރުމަށް އިސްނަގާފައި ވަނީ އެ މިސްކިތުގައި މަސައްކަތްކުރާ މުވައްޒަފުންކަމަށެވެ. އަދި އެ މުވައްޒަފުން އިސްނަގައި ހަނިމާދޫ ކައުންސިލާއި މަޝްވަރާކޮށް ހެޔޮއެދޭ ފަރާތްތަކަށް އެ މިސްކިތަށް އޭސީ ހަދިޔާ ކުރުމަށް ހުޅުވާލި ފުރުޞަތުގެ ދަށުން މިހާރު ވަނީ 24000 ބީޓީޔޫގެ 18 އޭސީ ލިބިފައި ކަމަށްވެސް އޭނާ ބުންޏެވެ.
“މިކަމުގައި އެންމެ އިސް ރޯލެއް ކުޅެނީ މި މިސްކިތުގެ މުވައްޒަފުން، އަދި މިކަމުގާ ކައުންސިލްގެ މުވައްޒަފުންނާ އަމިއްލައަށް ވޮލެންޓިޔާ ކޮށްވެސް މީހުން ދަނީ ބައިވެރިވަމުން” ނައިބު ރައީސް ފިރާގު
މަސްޖިދުލް މޫސާ އަލީ އަކީ ހެޔޮއެދޭ ފަރާތަކުން ހަނިމާދޫގައި ބިނާކޮށްފައިވާ 700 މީހުންގެ ޖާގައިގެ މިސްކިތެކެވެ. މޫސާ އަލީ މިސްކިތް އޭސީ ކުރާއިރު 2022 ވަނައަހަރު ވަނީ ހަނިމާދޫ މަސްޖިދުލް ނޫރު އޭސީ ކޮށްފައެވެ. މި މިސްކިތް އޭސީކުރީ އަލްމަރުހޫމާ ރަޝީދާ އަބުދުލް ޢަފޫރު ގެ ހަނދާނުގައި އޭނާގެ ފިރިމީހާ ހަދިޔާކޮށްދިން އޭސީންނެވެ. އަދި ހަނިމާދޫ ކައުންސިލުން އިސްނަގައިގެން ހަނިމާދޫ “މަސްޖިދުއްތައުބާ” ގައި ވަނީ މީގެ އަހަރުތަކެއް ކުރިން އޭސީ ހަރުކޮށްފައެވެ.
