ހަނިމާދޫގައި ކުރިއަށްގެންދިއަ ބޭސިކް ޔުނިޓް ލީޑަރސް ޓްރެއިނިން ކޯސް ކާމިޔާބުކަމާއެކު ނިންމާލައިފިއެވެ. މިކޭމްޕު ހަނިމާދޫގައި ކުރިޔަށް ގެންގޮސްފައިވަނީ މި މަހުގެ 8 ވަނަ ދުވަހުން ފެށިގެން މި މަހުގެ 10 ވަނަ ދުވަހުގެ ނިޔަލަށެވެ.
މިއީ ރާއްޖޭގައި ސްކައުޓް ލީޑަރސް ތައްޔާރު ކުރުމަށް ސްކައުޓް އެސޯސިއޭޝަނުން ހިންގާ ހަރަކާތުގެ ތެރެއިން ރެސިޑެންޝަލް ޓްރެއިނިން ކޭމްޕް އެވެ. މި ކޭމްޕިގައި 30 އަށްވުރެއް ގިނަ ބައިވެރިން ވަނީ ހއ، ހދ، ށ، އަތޮޅުން ބައިވެރިވެ ލީޑަރ ގޯސް ފުރިހަމަ ކޮށްފައެވެ.
މިކޯސް ކުރިޔަށް ގެންގޮސްފައިވަނީ ސެލްފް ލާރނިންގ، އޮންލައިން ލާރނިންގ ޑިސްކަޝަން އަދި ރެސިޑެންޝަލް ޓްރެއިނިން ކޭމްޕް ހިމެނޭ ގޮތަށެވެ.
ހަނިމާދޫގައި ކުރިޔަށްދިޔަ މި ކޯސް ނިންމުމުގެ ހަރަކާތުގައިވަނީ މުހައްމަދު ހަބީބުއަށް ވަނީ އެސިސްޓެންޓް ޓްރެއިނާ ވުޑް ބެޖް 3 ބީސް ޝަރަފު އަރުވާފައެވެ. މި ޝަރަފު އޭނާއަށް ހަވާލު ކޮށްދެއްވީ ސްކައުޓް އެސޯސިއޭޝަން އޮފް މޯލްޑިވްސްގެ ރައީސް މުހައްމަދު ނަޒީއެވެ. މުހައްމަދު ހަބީބު ވަނީ 2019 ވަނަ އަހަރު އޮގަސްޓް 17 ން 23 އޮގަސްޓަށް މެލޭޝިޔާގައި އެސިސްޓެންޓް ލީޑާރ ޓްރެއިނާ ކޯސް ފުރިހަމަ ކޮށްފައެވެ.
