ހަނިމާދޫ ޢީދު ފޯރި 1444 ގެ ކުޅިވަރުތައް ނިންމާ ވަނަތައް ހޮވައިފިއެވެ.
މި ކުޅިވަރުތަކުގެ ތެރޭގައި ވާދެމުން، ޓާސްކް ގޭމް، އަދި ބައިބަލާ ކުޅެވިގެން ދިޔައެވެ.
އެގޮތުން ވާދެމުން ދެޖިންސު ވަކިން ކުރިއަށް ގެންދިޔައިރު ފިރިހެން ހަތަރު ޓީމް އަދި އަންހެން ހަތަރު ޓީމް ވާދަކޮށްފައިވެއެވެ.
ވާދެމުމުގެ މުބާރާތުގެ އަންހެން ފަޅިން 3 ވަނަ ޓީމަށް 1500 ރުފިޔާގެ ރަމްޒީ ޗެކު ހަވާލުކޮށްދެއްވީ ކައުންސިލް މެންބަރު ނާޒިޔާ ހަސަންއެވެ. ތިންވަނަ ހޯދާފައިވަނީ ގޯޕާލަ ގޯޕާލަ އެވެ.
މި މުބާރަތުގެ ދެވަނަ ހޯދި ޓީމަށް 2500 ރުފިޔާގެ ރަމްޒީ ޗެކު ހަވާލުކޮށްދެއްވީ ކައުންސިލް މެންބަރު ހާރިސާ މުހައްމަދު އެވެ. ދެވަނަ ހޯދާފައި ވަނީ ޓީމް ގެނެވޭނެ އެވެ.
މި މުބާރަތުގެ ފަހުރުވެރި އެއްވަނަ ޓީމް އެއްލަކިން ހޯދިއިރު އެޓީމަށް 5000 ރުފިޔާގެ ރަމްޒީ ޗެކު ހަވާލުކޮށްދެއްވީ ކައުންސިލްގެ ނައިބު ރައީސް ފިރާގު މުހައްމަދު އެވެ.
ފިރިހެން ފަޅިން ތިންވަނަ، ބުރު ހޯދިއިރު އެޓީމަށް 1500 ރުފިޔާގެ ރަމްޒީ ޗެކު ހަވާލުކޮށްދެއްވީ ސާއްބަ އެކުވެރި ކުލަބުގެ ފައުންޑަރ އަބްދުއްﷲ އާދަމް އެވެ.
ފިރިހެން ފަޅިން ދެވަނަ ހޯދީ ރޫހު އެވެ. އެޓީމަށް 2500 ރުފިޔާގެ ރަމްޒީ ޗެކު ހަވާލުކޮށްދެއްވީ ޢީދު ފޯރި އިވެންޓުގެ އިވެންޓް ކޯޑިނޭޓަރ އަހްމަދު ނަދީމް އެވެ.
ގަބުރު ސިޓީ ފިރިހެން ފަޅީގެ އެއްވަނަ ހޯދިއިރު އެޓީމަށް 5000 ރުފިޔާގެ ރަމްޒީ ޗެކު ހަވާލުކޮށްދެއްވީ ކައުންސިލްގެ ނައިބު ރައީސް ފިރާގު މުހައްމަދު އެވެ.
މީގެ އިތުރުން މިރޭ ވަނީ ބައިބަލާ ނިންމާ ވަނަވަނައަށް ދިޔަ ފަރާތްތަކަށް ފައިސާގެ އިނާމު ހަވާލު ކޮށްދީފައެވެ.
އެގޮތުން ބައިބަލާ މުބާރާތުގެ ތިންވަނަ ހޯދާފައި ވަނީ ވެލިވިގަނި އެވެ. ދެވަނަ ހޯދާފައި ވަނީ ބުރު ކަންމަތި އެވެ. ފަހުރުވެރި އެއްވަނަ ހޯދާފައި ވަނީ ޓީމް ބުރެވެ.
އެއްވަނަ ޓީމަށް 5000 ރުފިޔާ ދިންއިރު ދެވަނަ ޓީމަށް 2500 ރުފިޔާ ދިނެވެ. އަދި ތިންވަނަ ޓީމަށް 1500 ރުފިޔާ ދީފައިވެއެވެ.
މި މުބާރާތް ހަމަޖެހިފައި ވާގޮތުން 5 މިސްޓަރ ބައިބަލާ ހޮވައިފައިވެއެވެ. އެ ކުޅުންތެރިންނަކީ:
- ޝަމްނޫޒް މުޙައްމަދު (ބުރު)
- އަހުމަދު ސިނާން (ވެލިވިގަނި)
- ސިރާން އަބްދުالله (ބުރު)
- އަހުމަދު ދައުވްދު (ބުރު ކަންމަތި)
- އިސްމާލް އަހްސަން (ބުރު)
އަދި 17 ޓީމާއެކު ކުރިޔަށް ގެންދިޔަ ކަނބަލުންގެ ޓާސް ގޭމް ތަކުގެ ވަނަތައްވެސް ވަނީ މިރޭ އިއުލާން ކޮށްފައެވެ.
ޓާސް ގޭމް ވަނަތައް އަދި ލިބުނު ފައިސާފެ އިނާމު
- 3 ވަނަ ޓީމް ޓުކުރި (1500ރ)
- 2 ވަނަ ދުންމާރި (2500ރ)
- 3 ވަނަ ހުސްއަނގަ (5000ރ)
