އެމްޑީޕީގެ ރިޔާސީ ކެންޑިޑޭޓް ރައީސް އިބްރާހިމް މުހައްމަދު ސޯލިހްގެ ކެމްޕެއިން ކުރިއަށް ގެންދިއުމަށް މާލޭގެ ގޭގެއަށް ދޮރުން ދޮރަށް ހަރަކާތް ފަށައިފި އެވެ.
އެގޮތުން މިހާރު ކުރިއަށްދާ އެ ހަރަކާތުގައި ރައީސް އެންމެ ފުރަތަމަ ޒިޔާރަތްކުރައްވަމުން ގެންދަވަނީ ގަލޮޅު ދެކުނު ދާއިރާގެ ގޭގެއަށެވެ.
އެ ހަރަކާތުގައި ރައީސްގެ އަރިހުގައި، ޑިފެންސް މިނިސްޓަރު އަދި މާލޭގެ ކޯޑިނޭޓަރު މާރިޔާ އަހުމަދު ދީދީ އާއި ގަލޮޅު ދެކުނު ދާއިރާގެ މެމްބަރު މީކާއިލް އަހުމަދު ނަސީމް ވެސް ބައިވެރިވެ ވަޑައިގަންނަވަ އެވެ.
