ދިވެހިންގެ މިނިވަންކަން ފުރިހަމަގޮތުގައި ހިފެހެއްޓިފައިވާކަމުގައި ގަބޫލުކުރަން އުނދަގޫ ކަމަށް މޯލްޑިވްސް ނެޝަނަލް ޕާޓީގެ ރައީސް މުޙައްމަދު ނާޒިމް ރޭ ވިދާޅުވެއްޖެއެވެ.
މިނިވަން ދުވަހުގެ މުނާސަބަތުގައި ނާޒިމް ރޭ ދެއްވި ޚިތޯބުގައި ވިދާޅުވީ ރާއްޖޭގެ މިއަދުގެ ޙާލަތަށް ބަލާ އިރު އަމިއްލަ ވަންތަ ދައުލަތެއްގެ ގޮތުގައި އޮތްކަމަށް ދެންނެވެން ނެތް ކަމަށެވެ. އަދި ދިވެހި ދަޢުލަތުން މިއަދު ޖަހަމުންގެންދަނީ ‘އަމިއްލަ ބާރުތައް ގެއްލެމުންދާކަމުގެ އިންޒާރު’ގެ ރަނގަބީލުތައް ކަމަށް ނާޒިމް ވިދާޅުވި އެވެ.
ނާޒިމް އިތުރަށް ވިދާޅުވީ ޒުވާން ޖީލުގެ މުސްތަގުބަލަށް އިހުމާލުވެފައިވާ ކަމަށާއި ޒުވާނުންގެ މުސްތަގުބަލް ގެއްލެމުންދާ ކަމަށެވެ. އަދި މިއަދު މި އިންޒާރުތައް ބަލައިގަނެ، އެކަންކަން ރަނގަޅު ކުރުމަކީ ކޮންމެ ދިވެއްސެއްގެ ގައުމީ ވާޖިބެއް ކަމަށް ނާޒިމް ވިދާޅުވި އެވެ.
“ބޯފެން ހޯދުމަށް ވެސް ބަރޯސާ ވާން ޖެހޭނީ ބޭރު ގައުމުތަކަށް، ރާއްޖޭގެ ހަރުމުދާ ހުރީ ގާނޫނީ ގޮތުން ރައްކާތެރިކުރެވިފައި ނޫން، އަދި ގާނޫނީ އޮނިގަނޑުގައި ހުރި ބާތަކުގެ ބޭނުންހިފައިގެން ސަރުކާރުންދަނީ، ދައުލަތުގެ މުދާ ނުއަގުގައި ވިއްކަމުން” ނާޒިމް ވިދާޅުވިއެވެ.
މީގެ އިތުރުން ނާޒިމް ވިދާޅުވީ ނާޒިމް ވިދާޅުވީ ބައިނަލްއަގުވާމީ ގާނޫނުތަކުންނާއި ދިވެހިރާއްޖޭގެ ގާނޫނު އަސާސީން ދިވެހީންނަށް ކަށަވަރުކޮށްދީފައިވާ ދިވެހީންގެ މަސްކަނޑުގެ 45 ހާސް ނޯޓިކަލް މޭލަށް ވުރެ ބޮޑު ސަރަހައްދެއް މިސަރުކާރުން ދާދިފަހުން ވިއްކާލާފައިވާ ކަމަށެވެ. އަދި ރިޔާސީ އިންތިހާބު ބޯމަތިވެފައިވާއިރު ސިޔާސީ ކޯޅުމެއްގެތެރޭގައި އިލެކްޝަންސް ކޮމިޝަން ވަނީ މަރުތަޅު އެޅުވިފައިކަމަށް ވެސް ނާޒިމް ވިދާޅުވިއެވެ.
