މީގެ ކުރިން އެކި ފަރާތްތަކުން ފާޑުކީ ކަންކަން ނުކޮށްދީގެން ކަމަށާއި ނަމަވެސް މިހާރު ފާޑުކިޔަނީ ކުރާ ކަންކަން ގިނަވެގެން ކަމަށް ޔޫތް މިނިސްޓަރު އަހުމަދު މަހްލޫފް ވިދާޅުވެއްޖެއެވެ.
މަހްލޫފް ކުރެއްވި ޓްވީޓެއްގައި ވިދާޅުވީ ކުރިން ފާޑުކިޔާ މަލާމާތް ކުރަނީ ކަންކަން ނުކޮށްގެން ކަމަށާއި މިހާރު އެއާ އިދިކޮޅަށް ފާޑުކިޔުން އަމާޒުވަނީ ކުރާ ކަންކަން ގިނަވެގެން ކަމަށެވެ.
“އިރާދަކުރެއްވިއްޔާ ހުރިހާ ކުޅިވަރެއް އަދި ޔޫތް މިނިސްޓްރީގެ މެންޑޭޓް ތެރޭން ޒުވާނުންނާއި ގުޅިގެން ކުރަންޖެހޭ ހުރިހާ ކަމެއް ދާނީ ބާރަށް ކުރިއަށް.” މަހްލޫފް ވިދާޅުވިއެވ.
ރައީސް އިބްރާހީމް މުހައްމަދު ސޯލިހުގެ ރިޔާސީ ވައުދުފުޅުގެ ތެރޭގައި ހިމެނޭ 100 ފުޓުބޯޅަ ދަނޑު އެޅުމުގެ ވައުދު މި ފަސް އަހަރުތެރޭގައި ފުރިހަމަ ކުރާނެ ކަމުގެ ޔަގީންކަން މަހްލޫފް ވަނީ އިއްޔެ ދެއްވިއެވެ. 40 ރަށެއްގެ ދަނޑުތަކުގެ މަސައްކަތް އެކި ފަރާތްތަކާ ހަވާލުކުރެވިފައިވެއެވެ.
