ށ.ފުނަދޫ ކޯވިޑް ފެސިލިޓީގައި ފަރުވާދެމުންދިޔަ ކުޅުދުއްފުށީ މީހާ ކޯވިޑް-19 އިން ރަނގަޅުވުމާއި ގުޅިގެން ދޫކޮށްލައިފިއެވެ. މި މީހާ ފަރުވާ ދިނުމަށްފަހު ދޫކޮށްލާފައިވަނީ މިއަދު މެންދުރުގެ ވަގުތެށްގައެވެ.
ފުނަދޫ ކޯވިޑް ފެސިލިޓީގައި ފަރުވާދެމުންދިޔައީ ހދ. ކުޅުދުއްފުށިން ކޯވިޑް-19އަށް ޕޮޒިޓިވްވި 75 އަހަރުގެ މީހެކެވެ. މި މީހާ ފުނަދޫއަށް ގެންގޮސްފައިވަނީ މިމަހުގެ 18 ވަނަ ދުވަހުގެ ރޭގައެވެ.
![](https://gohkolhu.com/wp-content/uploads/2020/10/Screenshot_20201031_171050.jpg)
ށ. ފުނަދޫ ކޯވިޑް ފެސިލިޓީއަކީ ޒޯން 1ގެ ރަށްތަކަށް ޚާއްސަކޮށްފައިވާ ކޯވިޑް ފެސިލިޓީއެވެ. މި ފެސިލިޓީގައި އައިސީޔޫ 20 އެނދާއި އައިސޮލޭޝަން 37 އެނދު ހުރެއެވެ.
މިހާތަނަށް އައިރު ފުނަދޫ ކޯވިޑް ފެސިލީޓިން ވަނީ ކޯވިޑް-19 ޖެހުނު 4 މީހަކަށް ފަރުވާދީފައެވެ. މި މިހާ ދޫކޮށްލުމުން އެ ފެސިލިޓީން ފަރުވާދިން މީހުންގެ އަދަދު 5 އެރީއެވެ.