ބަޑި ބުރާސްފަތި : ޝަހީދު ހުސެއިން މުހައްމަދު

އަރކައިވް މީހުން ފަހުގެ

ޕްރައިވެޓް ހުސެއިން މުހައްމަދު (މަސްތަކާ) ޒޯން ޑިއުޓީގައި އުޅުއްވަމުން ގެންދަވަނިކޮށް މެދުޒިޔާރަތްމަގުން މުލިޔާގެ މައިގޭޓާއި ހިސާބުންދިން ބަޑީގެ ހަމަލާއިން ވަޒަން އަރައި ޝަހީދުވިއެވެ.

ޕްރައިވެޓް ހުސެއިން މުހައްމަދު ޝަހީދުވެގެން ވެއްޓިފައިވަނީ މުލިޔާގެ މައިގޭޓާއި ދިމާއިން މެދު ޒިޔާރަތް މަގަށެވެ. އޭނާ ޝަހީދުވިއިރު ސިފައިންގެ ހިދުމަތުގައި އުޅުއްވާތާ 17 އަހަރާއި 3 މަހާއި 18 ދުވަސްވެއްޖެއެވެ.

އިޝްތިހާރު
އިޝްތިހާރު

ޕްރައިވެޓް ހުސެއިން މުހައްމަދު ޝަހީދުވެފައިވަނީ ސިފައިންގެ ޑިއުޓީގައި ހުންނަވަނިކޮށް ކަމަށްވާތީ ދިވެހި ދައުލަތުން މިކަން ފާހަގަކުރައްވާ ޕްރައިވެޓެއްގެ މަގާމުން ކޯޕްރަލްގެ މަގާމަށް މަގާމުގެ ކުރިއެރުން ދެއްވާ ހުރަވީ މެޑަލް އާއީ ތިނެއް ނޮވެމްބަރުގެ މެޑަލް އާއި ޖިހާދުގެ ރަތް މެޑަލްދީފައިވެއެވެ.
ޝަހީދުވިއިރު އުމުރުފުޅަކީ 38 އަހަރެވެ.

ޝަހީދު ކޯޕްރަލް ހުސެއިން މުހއްމަދަކީ މުހައްމަދު ހުސެއިން އާއި ހައްވާ ޔޫސުފްއަށް ލިބިފައިވާ ދަރިއެކެވެ. އޭނާގެ ދާއިމީ އެޑްރެހަކީ މަބުސްތަނުގެ، ބ.ތުޅާދޫ އެވެ.

މައުލޫމާތު: އެމްއެންޑީއެފްއިން ނެރުނު 3 ނޮވެމްބަރު ފޮތުން

އިޝްތިހާރު ޖެއްސެވުމަށް ގުޅުއްވާ

ޚިޔާލު ފާޅުކުރައްވާ