ހއ.ޗަންދަންޔާގެ ޝަހީދު އަލްމަރްހޫމް އުމަރު އަހުމަދަކީ ނޮވެމްބަރު 3 ވަނަ ދުވަހު ދުޝްމިނުން ސިފައިންގެ މައި މަރުކަޒަށް ހަމަލާދޭން ފެށިއިރު މަސްޖިދުލް ސުލްތާން މުހައްމަދު ތަކުރުފާނުލް އައުޒަމް (އިސްލާމީ މަރުކަޒުގައި ޑިއުޓީގައިހުރި ގާޑެކެވެ.
އިސްލާމީ މަރުކަޒުގެ ސަރަހައްދުގައި ދުޝްމިނުން ހަރަކާތްތެރިވަމުންދާތީ މިސްކިތުން ނުފޭބި އިސްލާމީ މަރުކަޒު ތެރޭގައި ގިނައިރުތަކެއް ވަންދެން އިންނަވަން ޖެހިވަޑައިގަތެވެ.
އެގޮތަށް އިންނެވުމަށްފަހު އެދުވަހު ހަވީރު އިސްލާމީ މަރުކަޒުން ނިކުންނެވި ވަގުތު ދުޝްމިނުން ބަޑިން ބިރުދައްކާ ރަހީނުކޮށް ދުޝްމިނުން މާލެ ދޫކޮށް ފިލަން މަސައްކަތްކުރިއިރު ހައިޖެކްކުރި އެމްވީ ޕްރޮގްރެސް ލައިޓްގައި ގެންދިޔަ އެވެ.
ޝަހީދު ޝަހީދު އުމަރު އަހުމަދު ޝަހީދުވީ ޕްރޮގްރެސް ލައިޓްގައި ދުޝްމިނުން ރަހީނުކޮށްގެން ގެންދިޔަ މީހުންނާއެކު ޓެރޮރިސްޓުން ފިލަން ދަތުރުކުރަމުން ދަނިކޮށް، ރަހީނުން ސަލާމަތްކުރުމަށްޓަކައި ޕްރޮގްރެސް ލައިޓް ހުއްޓުމަށް ތަކުރާރުކޮށް އިންޒާރުދިނުމުން ވެސް މަޑުނުކޮށް ރަހީނުންނާއި އެކު ފިލަން ދުވާތީ އެބޯޓު ހުއްޓުވުމަށްޓަކައި އިންޑިއާގެ މަނަވަރު އައިއެންއެސް ގޯދާވަރީން ޕްރޮގްރެސް ލައިޓްއަށްދިން ހަމަލާ ތެރޭގައި ޕްރޮގްރެސް ލައިޓްގައި އެވެ.
ޝަހީދު އަލްމަރްހޫމް އުމަރު އަހުމަދު ޝަހީދުވީ 1988 ނޮވެމްބަރު 6 ވަނަ ދުވަހު އެވެ.
ޝަހީދު އަލްމަރްހޫމް އުމަރު އަހުމަދު ޝަހީދުވިއިރު އުމުރަކީ 45 އަހަރެވެ. ޝަހީދުވިއިރު 7 ކުދިންނާއި އަންބަކު ދުނިޔޭގައި އިންނެވި އެވެ.
މައުލޫމާތު: އެމްއެންޑީއެފްއިން ނެރުނު 3 ނޮވެމްބަރު ފޮތުން
