މެރިހާނާ ޝަހީދު އަލްމަރްހޫމް އަބްދުލްސައްތާރު އާދަމްއަކީ 1988 ނޮވެމްބަރު 3 ވަނަ ދުވަހު ދުޝްމިނުން ސިފައިންގެ މައި މަރުކަޒަށް ހަމަލާދޭން ފެށުނުއިރު މަސްޖިދުލް ސުލްތާން މުހައްމަދު ތަކުރުފާނުލް އައުޒަމް (އިސްލާމީ މަރުކަޒު) ގައި ޑިއުޓީގައިހުރި ވެއިޓަރެކެވެ.
އިސްލާމީ މަރުކަޒުގެ ސަރަހައްދުގައި ދުޝްމިނުން ހަރަކާތްތެރިވަމުންދާތީ ފަތިސް ނަމާދު ކުރައްވައިގެން މިސްކިތުން ނުފޭބިފައި އިސްލާމީ މަރުކަޒު ތެރޭގައި ގިނައިރުތަކެއް ވަންދެން އިންނަވަން ޖެހިވަޑައިގަތެވެ.
އެގޮތަށް އިންނެވުމަށްފަހު އެދުވަހު ހަވީރު އިސްލާމީ މަރުކަޒުން ނިކުންނެވި ވަގުތު ދުޝްމިނުން ބަޑިން ބިރުދައްކާ ރަހީނުކޮށް ދުޝްމިނުން މާލެ ދޫކޮށް ފިލަން މަސައްކަތްކުރިއިރު ހައިޖެކްކުރި އެމްވީ ޕްރޮގްރެސް ލައިޓްގައި ގެންދިޔަ އެވެ.
ޝަހީދު އަލްމަރްހޫމް އަބްދުއްސައްތާރު އާދަމް ޝަހީދުކޮށްލީ ޕްރޮގްރެސް ލައިޓާއި އައިއެންއެސް ގޯދާވަރީ ކައިރކުރުމުން ހުއްޓުވުމަށްޓަކައި އިންޒާރުދިނުމުގެ ގޮތުންނެވެ.
ލައިފް ޖެކެޓް އަޅުވައި، ކަނު ބަނދެ ބޮލަށް ބަޑި ޖަހައި އެއްވެސް ރަހުމެއްނެތި ޝަހީދުކޮށްލުމަށްފަހު ކަނޑަށް އެއްލާލި އެވެ.
ޝަހީދު އަލްމަރްހޫމް އަބްދުލްސައްތާރު އާދަމް ޝަހީދުކޮށްލީ 1998 ނޮވެމްބަރު 5 ވަނަ ދުވަހު އެވެ.
ޝަހީދު އަލްމަރްހޫމް އަބްދުއްސައްތާރު އާދަމް ޝަހީދުވިއިރު އުމުރަކީ 49 އަހަރެވެ. ޝަހީދުވިއިރު 5 ކުދިންނާއެކު އަންބަކު ދުނިޔޭގައި އިންނެވި އެވެ.
ޝަހީދު އަލްމަރްހޫމް އަބްދުއްސައްތާރު އާދަމްއަކީ އޭނާގެ ޒުވާން އުމުރުފުޅުގައި ސިފައިންގޭގައި ހިދުމަތްކުރެއްވި ބޭކަލެކެވެ.
މައުލޫމާތު: އެމްއެންޑީއެފްއިން ނެރުނު 3 ނޮވެމްބަރު ފޮތުން
