ބ. ދަރަވަންދޫ ކައުންސިލްގެ ފަރާތުން އިންތިޒާމުކުރާ ދަރަވަންދޫ ޔޫތު ފުޓްސަލް ޗެލެންޖު ވުމެންސް 2020 ފައިނަލް މާދަމާރޭ ކުޅެން ނިންމައިފިއެވެ.
މި މުބާރަތަކީ މިފަދަ ގޮތަކަށް ކައުންސިލްގެ ފަރާތުން އެރަށުގެ ކަނބަލުނަށް އިންތިޒާމްކުރި ފުރަތަމަ މުބާރާތެވެ. މުޅި ޖުމުލަ 5 ޓީމް ބައިވެރިވި މި މުބާރާތް ކުރިއަށް ގެންދިޔައީ ލީގު އުސޫލުންނެވެ.
ޕޮއިންޓް ތާވަލުން އެއްވަނަ ހޯދާ ޓީމް ފައިނަލަށް ދަތުރު ކުރާއިރުު ޕޮއިޓް ތާވަލުގެ ދެވަނަ އަދި ތިންވަނަ ޓީމް ވާދަކޮށް އެތަނުން މޮޅުވާ ޓީމް ފައިނަލަށް ދަތުރު ކުރާހެން ކުރިއަށް ގެންދިޔަ މި މުބާރަތް ފެށީ ނޮވެމްބަރ މަހުގެ 26 ވަނަދުވަހު އެވެ.
10 ޕޮއިންޓާއި އެކު ތާވަލުގެ އެއްވަނަ ހޯދާ ފައިނަލް ގެ ފުރަތަމަ ޖާގަ ހޯދީ ހަރަހެރި ސްޕޯޓްސް އެންޑް ރެކްރިއޭޝަން ކުލަބް ވުމެންސް އެވެ. ތަވާލުގެ 2 ވަނައަށް ދިޔައީ ޗަނބޭލި ރަނިންނެވެ. 3 ވަނައަށް ދިޔައީ ޑޮނިއެންސް އެވެ.
އިއްޔެ ރޭ މި މުބާރާތުގެ ސެމީ ފައިނަލް މެޗު ކުޅެފައި ވާއިރު، އެ މެޗުގައި ވާދަކުރީ ޗަނބޭލީ ރަނިންނާއި ޑޮނިއެންސް އެވެ. އެ މެޗު 2-1 ކާމިޔާބު ކުރީ ޑޮނިއެންސް އެވެ.
އެހެންކަމުން ފައިނަލްގައި ވާދަކުރަން ޖެހޭނީ 10 ޕޮއިންޓާ އެކު ފައިނަލް ޖާގަ ހޯދި ހަރަހެރި ސްޕޯޓްސް އެންޑް ރެކްރިއޭޝަން ކުލަބް ވުމެންސް އާއި ސެމީ ފައިނަލުން މޮޅުވި ޑޮނިއެންސް އެވެ. ފައިނަލް މެޗު ކުޅުމަށް ހަމަޖެހިފައި ވަނީ މާދަމަރޭ 20:00 ގައެވެ.
